03.10.2026 | 20:41
Հայաստանի ներկայացուցիչը սենսացիոն հաղթանակ տարավ աշխարհի առաջին ռակետի նկատմամբ. ՏԵՍԱՆՅՈՒԹ
Ադրբեջանական բեկորն է որոշե՞լ, որ Աննա Հակոբյանը հերոսածին մայր չէ. Փաշինյան․ ՏԵՍԱՆՅՈՒԹ
Հասարակություն
22.05.2023 | 13:00
Ինչո՞վ հերոսածին մայր չէ իր կինը՝ Աննա Հակոբյանը․ նրանով, որ պատերազմում Աշոտ Փաշինյանը չի զոհվե՞լ։ Այսօր հրավիրված ասուլիսի ժամանակ այսպես արձագանքեց ՀՀ վարչապետ Նիկոլ Փաշինյանը՝ արձագանքելով հարցին, թե ճի՞շտ էր արդյոք հերոսածին մայր Գայանե Հակոբյանին կալանավորելը, ինչն առաջացրեց հանրության ընդվզումը, ասուլիսի ժամանակ հետաքրքրվեցին լրագրողները՝ Հայաստանի վարչապետ Նիկոլ Փաշինյանից։
Փաշինյանը դրվագ պատմեց 44-օրյա պատերազմից, որին իր որդի Աշոտ Փաշինյանը մասնակցել է որպես կամավոր։
«Մարտական հերթապահության ժամանակ Աշոտ Փաշինյանը հրետակոծության կամ հրթիռակոծության տակ է ընկել իր ջոկի հետ։ Եվ այդ հրետակոծության կամ հրթիռակոծության ժամանակ իր ծառայակից ընկերը, որի հետ նրանք պատսպարված, մարմնով իրար կիպ կպած են եղել, զոհվել է։
Ես կարծում եմ, որ պարզ է բոլորիս, որ ոչ ոք որոշում չի կայացրել, որ Աշոտ Փաշինյանը պետք է չզոհվի, ոչ ոք․․․
Ես ուզում եմ մի հարց տալ՝ եթե այդ բեկորը սպաներ Աշոտ Փաշինյանին, նա կլիներ հերոս, իսկ եթե չի սպանել այդ բեկորը և միլիմետրերով անցել է իր կողքով, նա դառնում է հակահերո՞ս։
Եթե այդ բեկորը սպաներ Աշոտ Փաշինյանին, Աննա Հակոբյանը կլիներ հերոսածին մայր, իսկ հիմա, որ միլիմետրերով անցել է, Աննա Հակոբյանն էլ հերոսածին մա՞յր չէ։ Ինչո՞վ հերոսածին մայր չէ, որևէ մեկը ինձ կարո՞ղ է բացատրել։ Առավել ևս այն պայմաններով, որ այդ նույն ժամանակ Աննա Հակոբյանը գտնվում էր առաջնագծում՝ զենքը ձեռքին»,- նշեց Փաշինյանը՝ հավելելով՝ այսինքն՝ մարդիկ ուզում են ավարտին հասցնել այն առաքելությունը, որ չի հասցրել ադրբեջանական բեկո՞րը։
Մանրամասները՝ տեսանյութում։
