24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Մոսկվան կփորձի ինչ-որ բան ստորագրել տալ․ Արա Պապյանը՝ սպասվող հանդիպման մասին․ ՏԵՍԱՆՅՈՒԹ
Քաղաքականություն
19.05.2023 | 15:40
«Շատ կարևոր են առաջիկա ամսվա ընթացքում զարգացումները Ռուսաստան-Ուկրաինա ռազմաճակատում, որովհետև հաճախ դրանով է պայմանավորվում Արևմուտքի վերաբերմունքը Հարավային Կովկասի և Հայաստանի նկատմամբ։ «Մարտահրավերներ և հնարավորություններ» թեմայով այսօր հրավիրված ասուլիսում այս կարծիքը հայտնեց Ազգային-ժողովրդավարական Բևեռի խորհրդի անդամ Արա Պապյանը։
«Հայաստանն ամեն ինչ պետք է անի իր բանակը և պետականությունը վերակերտելու համար։ Ցավոք Հայաստանի ինքնիշխանությունը գրեթե ամայացված է»,- նշեց Պապյանը։
Նրա դիտարկմամբ՝ միջազգային քաղաքական վեճերը կարելի է լուծել քաղաքակիրթ, խաղաղ ճանապարհով․ մասնավորապես կարելի է միջազգային դատարան դիմելու միջոցով որոշել, թե որն է Հայաստան -Ադրբեջան սահմանը, ինչպես նաև Արցախի ճակատագիրը։
«Ակնհայտ է, որ եթե մենք Սովետական Ադրբեջանը և Սովետական Հայաստանը ընդունում ենք որպես հիմքեր այս հակամարտությունը լուծելու համար, ապա դա նշանակում է, որ մենք ընդունում ենք ոչ միայն Արցախը, որպես Ադրբեջանի մաս, այլ նաև խնդիրներ ենք ունենալու անկլավների հետ կապված և մեր դեմ ուղղված հայցերի հետ կապված, որոնց համաձայն՝ Հայաստանն «օկուպացրել» էր տարածքներ։
Խնդիրը պետք է ունենա ավելի ընդգրկուն լուծում։ Միջազգային խաղաղապահների ներկայությունն է, որ կկարողանա կայունացնել իրավիճակը։ Հետագայում միջազգային իրավունքի հիման վրա հնարավոր է խնդիրներին լուծում տալ։
Ռուս խաղաղապահներն ի վիճակի չեն և քաղաքական կամքն էլ չկա խնդիրները լուծելու, տեսնում ենք, որ Թուրքիայի ու Ադրբեջանի ազդեցությունը Ռուսաստանի վրա գնալով ավելի է ուժեղանում»,- նշեց Պապյանը։
Մանրամասները՝ տեսանյութում։
