06.06.2026 | 19:05
Բիթքոյնը կորցնում է գրավչությունը․ ներդրողները նախընտրում են AI ընկերություններն ու խոշոր IPO-ները
«ՌԴ-ն Հարավային Կովկասում պատմական դերակատարում ունի, համոզված եմ՝ մեր դաշնակիցները դա հասկանում են»․ Լավրովը՝ Միրզոյանին
Քաղաքականություն
19.05.2023 | 14:10
Մոսկվան հետաքրքված է շարունակել առաջ մղել Հայաստանի Ռուսաստանի ղեկավարների միջև առկա բոլոր պայմանավորվածությունները, առաջին հերթին՝ առևտրատնտեսական համագործակցությունը։ Այս մասին ասել է ՌԴ ԱԳ նախարար Սերգեյ Լավրովը ՀՀ ԱԳ նախարար Արարատ Միրզոյանի հետ հանդիպման մեկնարկին։
«Կարծում եմ՝ կանդրադառնանք նաև ինտեգրացիոն միավորումներում՝ ՀԱՊԿ-ում, ԵՏՄ-ում և ԱՊՀ-ում մեր համագործակցության հարցերին։ Իհարկե, այսօրվա հանդիպման գլխավոր թեման հարաբերությունների կարգավորումն է Հայաստանի և Ադրբեջանի միջև։ Եվ այստեղ եռակողմ հայտարարությունների դերը, որոնց տակ դրված են երեք երկրների ղեկավարների ստորագրությունները, նշանակալի է, դրանք պետք է վճռական նշանակություն ունենան բոլոր հարցերի լուծումները գտնելիս։ Սա վերաբերում է խաղաղության պայմանագրին, հաղորդակցության ուղիների ապաշրջափակմանն ու սահմանազատմանը։ Կարծում եմ՝ առաջընթացն այս բոլոր ուղղություններով առանցքային է Հարավային Կովկասում խաղաղության համար»,- ասել է Լավրովը։
Միաժամանակ, ռուսաստանցի պաշտոնյան ընդգծել է Ռուսաստանի հատուկ դերը տարածաշրջանում։
«ՌԴ-ն այս տարածաշրջանում ունի պատմական դերակատարում և ամենալուրջ շահերը, համոզված եմ՝ մեր դաշնակիցները դա հասկանում են։ Այդ համատեսքտում կձգտնեք անել հնարավորը, որ այսօր սպասվելիք միջոցառումները լինեն արդյունավետ և կոնկրետ արդյունքների հասնեն»,- ասել է Լավրովը։
Նա նաև խոսել է ՀՀ վարչապետ Նիկոլ Փաշինյանի՝ մայիսի 9-ին Մոսկվայում Հաղթանակի օրվան նվիրված զորահանդեսին մասնակցությունից և հույս հայտնել, որ Հայաստանի վարչապետը կկարողանա մասնակցել նաև մայիսի 25-ին Մոսկվայում կայանալիք ԵՏՄ բարձրագույն տնտեսական խորհրդի նիստին։
Էմմա Չոբանյան
