24.02.2026 | 17:50
Ըստ ՌԴ Արտաքին հետախուզության ծառայության՝ Փարիզը և Լոնդոնը մտադիր են Ուկրաինային միջուկային տեխնոլոգիաներ փոխանցել
Բայրամովը հայտարարել է, որ Հայաստանի հետ բանակցություններում դրական դինամիկա է նկատվում
Քաղաքականություն
19.05.2023 | 13:19
Մոսկվայում ՌԴ ԱԳ նախարար Սերգեյ Լավրովի հետ հանդիպմանը Ադրբեջանի ԱԳ նախարար Ջեյհուն Բայրամովը հայտարարել է, որ Հայաստանի հետ բանակցային գործընթացում դրական դինամիկա է նկատվում։
«Մենք բարձր ենք գնահատում այս հանդիպման կազմակերպումը և այն դրական դինամիկան, որը նկատվում է բանակցային գործընթացում Հայաստանի և Ադրբեջանի միջև․նկատի ունեմ մայիսին բավական սերտ շփումները և հիմա էլ այս հնարավորությունը։ Կարծում եմ՝ այսօր հնարավոր կլինի նաև երկկողմ հարաբերությունների հարցեր քննարկել, անդրադառնալ հետկոնֆլիկտային կարգավորմանը Հայաստանի և Ադրբեջանի միջև տարբեր ուղղություններով, ինչպես նաև քննարկել երկկողմ օրակարգը Ադրբեջանի և ՌԴ-ի միջև, որը միշտ ունի մեծ բաղկացուցիչ»,- ասել է Բայրամովը։
Նա նաև նշել է, որ մոտ 80 հոգուց Ադրբեջանի պատվիրակությունը՝ փոխվարչապետ Շահին Մուստաֆաևի գլխավորությամբ, այժմ գտնվում է Կազանում «Ռուսաստան-Իսլամական աշխարհ» Կազանի ֆորումին մասնակցելու։
Բացի այդ, Բայրամովը շնորհակալություն է հայտնել ռուսական կողմին Ադրբեջանի նախկին նախագահ Հեյդար Ալիևի հիշատակին նվիրված տարբեր միջոցառումների կազմակերպման համար։
Էմմա Չոբանյան
