18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Նպատակ ունենք իրականացնել Պուտինի ու Ալիևի միջև ձեռք բերված պայմանավորվածությունները․ Լավրովը՝ Բայրամովին
Քաղաքականություն
19.05.2023 | 12:50
Մոսկվայում մեկնարկել է ՌԴ ԱԳ նախարար Սերգեյ Լավրովի հանդիպումն Ադրբեջանի ԱԳ նախարար Ջեյհուն Բայրամովի հետ։ Իր բացման խոսքում Լավրովը Բայրամովի հետ հանդիպումն անվանել է հնարավորություն՝ քննարկելու երկկողմ հարաբերությունները՝ նախագահների առաջիկա շփումներին ընդառաջ։
«Ցանկանում եմ ընդգծել մեր նպատակադրվածությունը՝ կատարելու բոլոր պայմանավորվածությունները, որոնք ձեռք են բերվել նախագահներ Պուտինի ու Ալիևի միջև։ Դրանց թվում է միջազգային տրանսպորտային «Հյուսիս-Հարավ» միջանցքը, մեր նախագահները դա քննարկել են։ Հուսով ենք՝ առաջիկա հանդիպմանը կհամաձայնեցվի այդ և այլ ուղղություններով աշխատանքը»,- ասել է Լավրովը։
Նա նաև խոսել է երկու երկրների միջև առևտրային հարաբերություններից՝ նշելով, որ այն բարձր տեմպերով է ընթանում, ներդրումներն աշխատում են։
«Այդ բոլոր հարցերի շուրջ կփոխանակվենք կարծիքներիվ ու կտեսնենք՝ ինչպես լավ պատրաստվել եռակողմ շփումներին, որոնք նախատեսված են մեր հայ գործընկերոջ հետ»,- ասել է ՌԴ ԱԳ նախարարը։
Բացի այդ, նա նշել է, որ «վճռական են կյանքի կոչելու բոլոր պայմանավորվածությունները, որոնք ձեռք են բերվել Ադրբեջանի, Հայաստանի և Ռուսաստանի ղեկավարների կողմից»։
Հավելենք, որ այսօր ավելի ուշ սպասվում է Հայաստանի, ՌԴ-ի և Ադրբեջանի ԱԳ նախարարների եռակողմ հանդիպումը։
Էմմա Չոբանյան
