16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՀԱՊԿ գլխավոր քարտուղարը խոսել է ԵԱՀԿ-ի հետ շփումների զարգացմանն ուղղված ջանքերի մասին
Քաղաքականություն
18.05.2023 | 19:20
Հավաքական անվտանգության պայմանագրի կազմակերպությունը (ՀԱՊԿ) ջանքեր է գործադրում ԵԱՀԿ-ի հետ շփումները զարգացնելու համար։ Այս մասին Մինսկում կայացած ՀԱՊԿ Խորհրդարանական վեհաժողովի (ԽՎ) խորհրդի նիստում հայտարարել է կազմակերպության գլխավոր քարտուղար Իմանգալի Տասմագամբետովը, գրում է ՏԱՍՍ-ը։
«Ջանքեր են արվում ԵԱՀԿ-ի հետ կապերը վերականգնելու համար, առաջին հերթին՝ ապահովելու ՀԱՊԿ քարտուղարության ներկայացուցիչների մասնակցությունն այս կազմակերպության քաղաքական նշանակալից իրադարձություններին»,- ասել է նա։
Գլխավոր քարտուղարը նշել է, որ ՀԱՊԿ-ի փոխգործակցությունն Անկախ պետությունների համագործակցության և Շանհայի համագործակցության կազմակերպության հետ «բեղմնավոր կերպով զարգանում է ինչպես երկկողմ, այնպես էլ եռակողմ ձևաչափերով»։
Հանդիպման շրջանակում ՀԱՊԿ ԽՎ խորհրդի անդամ, Բելառուսի Ազգային ժողովի Ներկայացուցիչների պալատի նախագահ Վլադիմիր Անդրեյչենկոն ասել է, որ բելառուս խորհրդարանականներին, ընդհանուր առմամբ, դեռ հաջողվում է կապեր պահպանել եվրոպացի գործընկերների հետ ԵԱՀԿ-ի շրջանակում։
Տաթև Ֆռանգյան
