17.05.2026 | 11:41
Նիկոլ Փաշինյանը շնորհավորել է Կասիմ-Ժոմարտ Տոկաևին ծննդյան տարեդարձի առիթով
Ֆինլանդիան չգիտի՝ ինչ անել զորակոչից փախած ռուսների հետ և սպասում է ԵՄ-ի հրահանգների
Քաղաքականություն
18.05.2023 | 20:15
Ֆինլանդիայում ավելի քան հազար ռուսաստանցիներ, ովքեր փախել են մոբիլիզացիայից, սպասում են իրենց քաղաքական ապաստան տրամադրելու՝ իշխանությունների որոշմանը, գրում է BBC-ի ռուսական ծառայությունը։
Երկրի իշխանությունները չգիտեն, թե ինչ անել նրանց հետ, և սպասում են սրա հետ կապված Եվրամիության առաջարկություններին, հայտնում է Ֆինլանդիայի ազգային YLE հեռուստաընկերությունը:
Ֆինլանդիայի ներգաղթի ծառայության (Migri) տվյալներով՝ Ռուսաստանից զինվորական տարիքի ապաստան հայցողների ճշգրիտ թիվը 1109 է։
«Մենք չկարողացանք ապաստան տրամադրելու որոշում կայացնել»,- ֆիննական լրատվական գործակալությանն (STT) ասել է երկրի ՆԳՆ միգրացիայի բաժնի ղեկավար Սաննա Սուտերը:
Ըստ YLE-ի՝ Ռուսաստանից բանակից փախած զինվորական տարիքի տղամարդկանց ապաստանի հարցը քննարկել են սկանդինավյան երկրների ներկայացուցիչները։ Նրանք որոշել են այս հարցում խորհրդատվության համար դիմել Եվրամիությանը։
ԵՄ-ն պետք է առաջարկություններ մշակի, սակայն դեռ պարզ չէ, թե երբ դա տեղի կունենա։
Տաթև Ֆռանգյան
