16.11.2024 | 10:35
Հրդեհ Ձորագյուղում
ՌԴ հինգ մարզերում խուզարկություններ են ընթանում ընդդիմադիրների բնակարաններում
Քաղաքականություն
18.05.2023 | 17:24
Ռուսաստանի 5 մարզերում խուզարկություններ են անցկացվում ընդդիմադիր քաղաքական գործիչների տանը։ Այս մասին այսօր հայտնել են մի քանի ռուսալեզու Telegram-ալիքներ, փոխանցում է DW-ի ռուսական ծառայությունը։
«ՕՎԴ-Ինֆո»-ի փոխանցմամբ՝ Մոսկվայում ուժայինները գնացել են ՌԴ Պետդումայի նախկին պատգամավորի թեկնածու, Մոսկվայի պետական համալսարանի դոցենտ Միխայիլ Լոբանովի բնակարան։
«Նա գրել է, որ իր տան դուռն են կոտրում, իսկ հետո կապի դուրս չի եկել»,- նշում են իրավապաշտպանները։
Նրանք Լոբանովի մոտ են ուղարկել փաստաբան Տատյանա Օկուշկոյին։
Telegram-ի որոշ ալիքներ տեղեկություններ են տարածել, ըստ որոնց՝ խուզարկությունները կապված են այն բանի հետ, որ Լոբանովը, իբր, մասնակցել է «Ժողովրդական պատգամավորների համագումարին» և հանդիսանում է մեկ այլ ընդդիմադիր քաղաքական գործչի՝ Իլյա Պոնոմարյովի դաշնակիցը։
112 Telegram-ալիքի տեղեկություններով էլ՝ խուզարկվել են նաև մունիցիպալ քաղաքական գործիչներ Գալինա Ֆիլչենկոյի և Նոդարի Խանանաշվիլիի տները։ Որոշ լրատվամիջոցներ Ֆիլչենկոյին և Խանանաշվիլիին անվանել են «Յաբլոկո» կուսակցության անդամներ։
«Կոմերսանտ» պարբերականն իր հերթին գրում է, որ ուժայինները գնացել են նաև Սանկտ Պետերբուրգի «Ladoga.ru» պորտալի գլխավոր խմբագիր Ալեքսանդր Կալինինի մոտ։
Տաթև Ֆռանգյան
https://t.me/ENews112/13914
