25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Ֆինլանդիան սառեցրել է ռուս օլիգարխ Ռոտենբերգի հաշիվները
Քաղաքականություն
18.05.2023 | 12:12
Հելսինկիի քաղաքային վերաքննիչ դատարանը բեկանել է ստորին դատարանի որոշումը և թույլ է տվել, որ սառեցվի ռուս օլիգարխ Արկադի Ռոտենբերգի ընկերության հետ կապված հաշվի վրա գտնվող շուրջ 330 հազար եվրո գումարը։ Այս մասին հայտնում է DW-ի ռուսական ծառայությունը։
Ըստ թերթի տվյալների՝ խոսքը ֆիննական ընկերության կողմից Դուբայից հանքային պարարտանյութերի գնման գործարքի մասին է։ Դեռևս 2021 թվականի հոկտեմբերին դատարանը կալանք էր դրել 323 հազար եվրոյի վրա՝ հօգուտ Dubai Agricultural Minerals DMCC-ի, քանի որ որոշել էր, որ Ռոտենբերգն ուղղակի կամ անուղղակի հասանելիություն է ունեցել գումարին։
Վերաքննիչ դատարանը որպես ապացույց դիտարկել է ԶԼՄ-ների հետաքննությունները, որոնք ցույց են տալիս, որ Դուբայում գրանցված ընկերությունն իրականում գործում է Ռոտենբերգի կողմից վերահսկվող «Մինուդոբրենիյա» ռուսական բաժնետիրական ընկերության անունից։
Թեև Վերաքննիչ դատարանը խնդրել է «Agricultural Minerals» ընկերությանը ներկայացնել փաստաթղթեր, որ այդ գումարը չի փոխանցվի կամ օգտագործվի սանկցիայի ենթարկված անձի կողմից, այդպես էլ նման փաստաթուղթ չի ներկայացվել:
