14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Մակրոնի տիկնոջ զարմիկին ցուցարարները դաժան ծեծի են ենթարկել
Քաղաքականություն
17.05.2023 | 14:14
Ֆրանսիայի նախագահ Էմանունել Մակրոնի տիկնոջ՝ Բրիժիտ Մակրոնի զարմիկը դաժան ծեծի է ենթարկվել ցուցարարների կողմից, որոնք բողոքել են երկրի նախագահի քաղաքականության դեմ, հաղորդում է Euronews-ը։
Ըստ աղբյուրի՝ 30-ամյա Ժան-Բատիստ Տրոնյեն, որը շոկոլադի խանութի սեփականատեր է, դաժան ծեծի հետևանքով հոսպիտալացվել է։
Իսլանդիայում Եվրախորհրդի գագաթնաժողովին մասնակցող Էմանուել Մակրոնը դատապարտել է հարձակումը՝ այն անվանելով «վախկոտություն, հիմարություն ու դաժանություն»։
«Այս բռնությունը տեղ չունի ոչ մի ժողովրդավարության մեջ, հատկապես մեր երկրում։ Դատարանը պետք է վճիռ կայացնի։ Որպես տուժողի հորեղբայր՝ ես այդ գործողություններն անընդունելի եմ համարում, իսկ որպես Հանրապետության նախագահ՝ աններելի»,- ասել է Մակրոնը։
Նշվում է, որ այս ագրեսիայի համար 8 մարդ է ձերբակալվել։
Միջադեպը տեղի է ունեցել Ֆրանսիայում սոցիալական անկարգությունների մթնոլորտի ֆոնին՝ կենսաթոշակային բարեփոխումների հարկադիր ընդունումից հետո։
Էմմա Չոբանյան
