25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Ռուսաստանն ու Իրանն ընդլայնում են ռազմական համագործակցությունը. ԱՄՆ
Քաղաքականություն
16.05.2023 | 16:31
ԱՄՆ-ը հայտարարել է, որ կան նշաններ, որ Ռուսաստանը և Իրանն ընդլայնում են ռազմական համագործակցությունը։ Այս մասին հայտնում է VOA-ն։
Պետքարտուղարության խոսնակ Վեդանտ Պատելը լրագրողներին ասել է, որ Իրանը «մնում է Ռուսաստանի գլխավոր ռազմական աջակիցը և … արդեն Ռուսաստանին է մատակարարել հրետանային արկեր և տանկային արկեր՝ Ուկրաինայում օգտագործելու համար»:
Ըստ Պատելի՝ անցած օգոստոսից «Իրանը Ռուսաստանին է փոխանցել ավելի քան 400 անօդաչու թռչող սարքեր, հիմնականում «Շահիդ» շարքից, և Ռուսաստանը ծախսել է այդ անօդաչու թռչող սարքերի մեծ մասը Ուկրաինայի ներսում ուկրաինական կրիտիկական ենթակառուցվածքներին հարվածելու համար»:
«Այդ համագործակցության խորացումը սպառնալիք և վտանգ է ներկայացնում ոչ միայն Ուկրաինայի, այլև Ռուսաստանի հարևանների, Իրանի հարևանների և ընդհանուր առմամբ միջազգային հանրության համար»,- ասել է Պատելը լրագրողներին։
