24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Կիևը ցանկանում է դաշնակիցներից մինչև 50 միավոր F-16 կործանիչ ստանալ
Քաղաքականություն
16.05.2023 | 14:30
Ուկրաինայի պաշտպանության նախարարի խորհրդական Յուրի Սակը Politico-ի հետ զրույցում ասել է, որ Կիևը դաշնակիցներից 40-50 միավոր F-16 կործանիչներ է ցանկանում ստանալ, որոնք ձևավորելու են «3-4 էսկադրիլիա»՝ Ուկրաինայի երկինքը ռուսական ռմբակոծություններից պաշտպանելու համար, գրում է BBC-ի ռուսական ծառայությունը։
Սակը նշել է, որ չնայած Մեծ Բրիտանիան, Իտալիան, Ֆրանսիան ու Գերմանիան չեն կարող առաջարկել F-16-եր, սակայն ունեն «կարևոր ձայն միջազգային կոալիցիայում», և Ուկրաինան կցանկանար, որ նրանք խրախուսեին այնպիսի դաշնակիցներին, ինչպիսիք են՝ ԱՄՆ-ը և Թուրքիան։
Նրա խոսքով՝ Ուկրաինայի նախագահ Վլադիմիր Զելենսկին ցանկանում է, որ ինքնաթիռների հարցը լինի Հիրոսիմայում G7-ի երկրների գագաթնաժողովի և հուլիսին Լիտվայում կայանալիք ՆԱՏՕ-ի գագաթնաժողովի օրակարգում:
Ուկրաինան մի քանի ամիս է՝ դաշնակիցներին խնդրում է իրեն ժամանակակից ռազմական ինքնաթիռներ փոխանցել, առաջին հերթին՝ F-16-եր, սակայն դաշնակիցնեը դեռևս մերժում են։
F-16 կործանիչներ կան շատ արևմտյան երկրների զինանոցում, և դրանցից մի քանիսն արդեն պատրաստ են դրանք փոխանցել Ուկրաինային, եթե ՆԱՏՕ-ում կոնսենսուս ձեռք բերվի։
Էմմա Չոբանյան
