17.12.2025 | 13:16
Բեռլիոզի «Ռեքվիեմ»-ը՝ Հայաստանի ազգային ակադեմիական երգչախմբի կատարմամբ
Ստոլտենբերգը չի պատրաստվում մնալ ՆԱՏՕ-ի գլխավոր քարտուղարի պաշտոնում
Քաղաքականություն
15.05.2023 | 16:45
Յենս Ստոլտենբերգը հայտարարել է, որ մտադիր չէ մնալ Հյուսիսատլանտյան դաշինքի գլխավոր քարտուղարի պաշտոնում, եթե հոկտեմբերին իրեն նոր ժամկետ առաջարկեն։ Այս մասին նա խոսել է Կոպենհագենում ընթացող Դեմոկրատական ֆորումի շրջանակներում։
«Իմ միակ ծրագիրն այս աշնանը իմ պարտականությունները վայր դնելն է: Ես պաշտոնավարել եմ երկու անգամ ավելի երկար, քան ի սկզբանե նախատեսված էր, և սա այն ամենն է, ինչ կարող եմ ասել այս մասին», – ասել է նա: Ստոլտենբերգը ՆԱՏՕ-ի գլխավոր քարտուղարի պաշտոնում է 2014 թվականի հոկտեմբերի 1-ից։
Ավելի վաղ լրատվամիջոցները գրել էին, որ ԱՄՆ իշխանությունները ՆԱՏՕ-ի գլխավոր քարտուղարի պաշտոնում առաջին հերթին դիտարկում են ֆոն դեր Լեյենի թեկնածությունը։ Մեծ Բրիտանիայի նախկին վարչապետ Բորիս Ջոնսոնն իր հերթին ասել է, որ իրեն համարում է ՆԱՏՕ-ի գլխավոր քարտուղարի թեկնածու։
