09.09.2026 | 14:01
Բաքուն հետևում է ՀՀ Սահմանադրության փոփոխման գործընթացին․ Բայրամովը հայտնել է Միրզոյանի հետ նոր հանդիպման մասին
ՀՀ-ում ԵՄ դեսպանը՝ 2․6 միլիարդ աջակցության մասին
Քաղաքականություն
15.05.2023 | 12:15
«Սա համատեղ նախաձեռնություն է և այստեղ ԵՄ-ն մասնակցել է փոքր մասով, դրամաշնորհներով և վարկերով` Եվրոպական բանկերի կողմից»․ այս մասին Եվրոպայի օրվան և Եվրոպական միություն – Հայաստան հարաբերություններին նվիրված մամուլի ասուլիսում նշեց Հայաստանում Եվրոպական միության պատվիրակության ղեկավար Անդրեա Վիկտորինը` անդրադառնալով ԵՄ-ի կողմից 5 տարվա ընթացքում Հայաստանին տրամադրվելիք 2,6 մլրդ եվրո գումարին։
Անդրեա Վիկտորինը նշեց, որ նպատակ ունեն նաև մասնավոր ներդրումները խթանել, իսկ 2,6 մլրդ եվրոն տրամադրվելու է ամենակարևոր նախագծերի համար․ «Ես 2,6 մլրդ չունեմ դարակումս դրած, բայց աշխատանքներ կատարվում են»։
ԵՄ դեպսանի խոսքով, զգալի առաջընթաց կա ՓՄՁ-ների մասով, վարկային գծեր են առաջարչկվում հայկական ընկերություններին. «Այստեղ էլ կան բազմաթիվ ծրագրեր, ՎԶԵԲ-ն ունի վարկային գիծ բացված հայկական ՓՄՁ-ների համար: Սրան ավելացված է նաև խորհրդակցական աջակցություն, այսինքն հնարավորություն ծանոթանալու լավագույն փորձին՝ սեփական բիզնեսը ստեղծելիս:
Ինձ համար կարևոր բաղադրիչներից մեկն այն է, թե ինչ ենք մենք անում Սյունիքում: Սա մեր տնտեսական ներդրումային պլանի մասն է: Հիմա պետք է համապատասխան պայմանագրերը ստորագրվեն, ևս երկու ՔՈԱՖ կենտրոն Սյունիքում բացենք: Նպատակ ունենք Կապանում «Թումո»կենտրոն բացել: Այս բոլորը տնտեսական ներդրումային պլանի մասեր են: Պետք է ընդգծեմ, որ առաջընթաց կա, սա համատեղ նախաձեռնություն է ՀՀ իշխանությունների, բիզնես համայնքի և ԵՄ երկրների ու բանկերի միջև: Սա մի բան չէ, որ ԵՄ-ն խոսք է տվել և պետք է տա»,-ընդգծեց ԵՄ դեսպանը:
Մանրամասները՝ տեսանյութում։
