18.12.2025 | 15:36
ԱԱ-2022-ի մրցանակային հիմնադրամը ռեկորդային է լինելու
Ըստ Կրեմլի՝ «Հայաստանի և ՌԴ հարաբերությունները փայլուն ապագա ունեն»
Քաղաքականություն
14.05.2023 | 17:51
Ըստ ՌԴ նախագահի պաշտոնական ներկայացուցիչ Դմիտրի Պեսկովի՝ ՀՀ-ի ու ՌԴ-ի միջև հարաբերությունները նախկինի նման «ընդլայնված գործընկերային հարաբերություններ են և փայլուն ապագա ունեն»։ Այս մասին Դմիտրի Պեսկովը հայտարարել է «Ռոսիա1» հեռուստաալիքի
«Մոսկվա, Կրեմլ, Պուտին» հաղորդմանը տված հարցազրույցում։ «Առանձնահատուկ հարաբերություններ, որոնք ունեն խորը պատմական արմատներ։ Մենք համոզված ենք, որ դրանք ունեն նաև փայլուն ապագա»,- մասնավորապես, նշել է Պեսկովը։ Անդրադառնալով ԼՂ հակամարտության կարգավորմանը՝ վերջինս նշել է, որ Մոսկվան կարծում է, որ եռակողմ համաձայնագրերը մնում են անվիճելի հիմք Բաքվի և Երևանի միջև կարգավորման համար։ «Իհարկե, կան որոշակի զգայուն պահեր, Ռուսաստանը, գիտեք, լիովին հավատարիմ է այն եռակողմ փաստաթղթերին, որոնք ստորագրվել են երկու տարի առաջ։
Մենք ելնում ենք այն բանից, որ դրանք նախկինի նման այլընտրանքային հիմք են կարգավորման համար։ Կարգավորման հասնելու համար անհրաժեշտ է գնալ այդ պայմանավորվածությունները կատարելու ճանապարհով, որոնք ձեռք են բերվել երեք կողմից»,- ասել է Կրեմլի ներկայացուցիչը։
