06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
Մեր պահանջն է՝ Ադրբեջանը պետք է դուրս բերի օկուպացիոն զորքերը ՀՀ տարածքից․ Էդմոն Մարուքյանն արձագանքել է ԱՄՆ Պետդեպին
Քաղաքականություն
12.05.2023 | 13:08
ՀՀ հատուկ հանձնարարություններով դեսպան Էդմոն Մարուքյանն արձագանքել է ԱՄՆ Պետքարտուղարության փոխխոսնակ Վեդանտ Պատելի հայտարարություններին։ Նա, մասնավորապես, թվիթերյան գրառմամբ նշել է, որ սահմանին տեղի է ունեցել Ադրբեջանի հերթական ագրեսիան։
«Նախ՝ դա փոխհրաձգություն չէր, այլ ադրբեջանական բանակի հերթական հարձակումը, որը հայտնի է ԻԼԻՊ-ի նման մարտական վարքագծով։ Հայկական բանակը ձեռնարկել է անհրաժեշտ քայլեր՝ պաշտպանելու մեր ինքնիշխան տարածքը։ Մեր պահանջն է՝ Ադրբեջանը պետք է դուրս բերի իր օկուպացիոն զորքերը Հայաստանի ինքնիշխան տարածքից և վերադառնա միջազգայնորեն ճանաչված սահմաններ, այսինքն՝ այն վարչական սահմաններին, որոնք գոյություն ունեին երկու երկրների միջև ԽՍՀՄ-ից անկախանալու ժամանակ։ Երրորդ՝ 2022 թվականին Պրահայում և Սոչիում Ադրբեջանը պարտավորվել է զերծ մնալ ուժի կիրառումից կամ ուժի կիրառման սպառնալիքից»,- գրել է Էդմոն Մարուքյանը։
Հիշեցնենք, որ ճեպազրույցում Պատելը, անդրադառնալով Սոքթի ուղղությամբ Ադրբեջանի հերթական ագրեսիային, ասել է, որ «այդպիսի բռնությունը խաթարում է Հայաստանի և Ադրբեջանի առաջընթացը դեպի խաղաղություն»։
«Երկու երկրների առաջնորդներին կոչ ենք անում, երբ հավաքվեն Բրյուսելում մայիսի 14-ին, համաձայնեն իրենց ուժերը հեռացնել սահմանի երկայնքով, ինչպես քննարկվել է պետքարտուղար Էնթոնի Բլինքենի կողմից Վաշինգտոնում հյուրընկալված բանակցությունների ընթացքում»,- նշել էր Պետքարտուղարության փոխխոսնակը։
Էմմա Չոբանյան
