18.12.2025 | 10:21
Արտարժույթների փոխարժեքները՝ դեկտեմբերի 18-ի դրությամբ
Ձեռքերդ հեռու թուրքական պետությունից․ Քըըչդարօղլուն զգուշացրել է ՌԴ-ին չխառնվել Թուրքիայի ընտրություններին
Քաղաքականություն
12.05.2023 | 12:07
Թուրքիայի գլխավոր ընդդիմության առաջնորդ, ընտրություններում Ռեջեփ Թայիփ Էրդողանի հիմնական մրցակից Քեմալ Քըլըչդարօղլուն ՌԴ-ին մեղադրել է երկրի ընտրություններին՝ կեղծ տեսանյութերի միջոցով միջամտելու մեջ։
Թուրքերեն և ռուսերեն առանձին թվիթերով Քըլըչդարօղլուն մատնացույց է անում Ռուսաստանին՝ընտրական մրցավազքին միջամտելու համար՝ կազմակերպելով կեղծ բովանդակություն՝ ուղղված նախագահի նախկին թեկնածու Մուհարեմ Ինջեի դեմ, որը նախօրեին հայտարարել էր նախագահական ընտրություններից իր թեկնածությունը հանելու մասին։
«Սիրելի ռուս ընկերներ, դուք եք կանգնած այն մանտաժի, դավադրությունների, դիփ ֆեյք բովանդակության և ձայնագրությունների հետևում, որոնք երեկ բացահայտվեցին այս երկրում։Եթե ցանկանում ենք, որ մեր բարեկամությունը մայիսի 15-ից հետո շարունակվի, ուրեմն ձեռքերդ հեռու թուրքական պետությունից։ Մենք նախկինի պես համագործակցության ու ընկերության կողմակիցն ենք»,-գրել է Քըլըչդարօղլուն։
Ինջեն նախօրերին հայտարարել էր, որ դուրս է գալիս ընտրապայքարից նաև համացանցում տարածված կեղծ ինտիմ տեսագրությունից հետո: Նա նշել էր, որ դավադրության թիրախ մի շարք զրպարտչական արշավների միջոցով, ներառյալ սարքված տեսանյութի թողարկման։
Հավելեք, որ Թուրքիայում նախագահական ու խորհրդարանական ընտրությունները տեղի են ունենալու մայիսի 14-ին։
Էմմա Չոբանյան
