18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
ՌԴ-ն դուրս է եկել Եվրոպայում սովորական զինված ուժերի վերաբերյալ պայմանագրից
Քաղաքականություն
10.05.2023 | 14:57
ՌԴ նախագահ Վլադիմիր Պուտինը հրաման է արձակել, որով Ռուսաստանը չեղարկում է Եվրոպայում սովորական զինված ուժերի մասին պայմանագիրը (ԵՍԶՈՒ), որը ստորագրվել է 1990 թվականի նոյեմբերին Փարիզում, փոխանցում է Meduza-ն։
Պուտինը Պետդումայում և Դաշնային Խորհրդում պայմանագիրը չեղյալ հայտարարելու հարցը քննարկելու համար իր ներկայացուցիչ է նշանակել փոխարտգործնախարար Սերգեյ Ռյաբկովին։
Ռուսաստանը կասեցրել էր ԵՍԶՈՒ պայմանագիրը 2007 թվականի հուլիսին։ 2015 թվականի մարտին Ռուսաստանի իշխանությունները հայտարարեցին, որ դադարեցնում են մասնակցությունը ԵՍԶՈՒ-ի հարցերով համատեղ խորհրդատվական խմբի նիստերին։ Այսպիսով, 2007 թվականին Ռուսաստանի կողմից հայտարարված ԵՍԶՈՒ պայմանագրի կասեցումը ամբողջական է դառնում։ Միաժամանակ, ինչպես ընդգծվել էր, Ռուսաստանը դեռևս մնում է պայմանագրի կողմ։
Տաթև Ֆռանգյան
