04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
Թուրքիան կարևոր գործընկեր է ՌԴ-ի համար․ Լավրովը Չավուշօղլուին հաջող ընտրություններ է մաղթել
Քաղաքականություն
10.05.2023 | 15:39
ՌԴ ԱԳ նախարար Սերգեյ Լավրովը թուրք գործընկերներին մաղթել է մայիսի 14-ին նախանշված նախագահական և խորհրդարանական ընտրությունների հաջող անցկացում և վստահություն հայտնել, որ դրանք կլինեն արդար և թափանցիկ, գրում է ՏԱՍՍ-ը։
«Կցանկանայի թուրք գործընկերներին մաղթել հաջող համընդհանուր ընտրություններ՝ օգտվելով այս հնարավորությունից։ Ինչքան գիտեմ՝ այդ ընտրությունները երկրից դուրս արդեն սկսվել են։ Համոզված եմ, որ դրանք լինելու են արդար, թափանցիկ, ապահովելու են հնարավորություն արտահայտելու թուրք ժողովրդի կամքը՝ ինչ արտաքին միջամտություն էլ լինի»,- ասել է Լավրովը Մոսկվայում բացելով Սիրիայի, Թուրքիայի և Իրանի ԱԳ նախարարների հետ քառակողմ հանդիպումը։
Լավրովը Թուրքիան անվանել է ՌԴ-ի «լավ հարևան և կարևոր գործընկեր»։
«Մենք տեսնում ենք, թե որքան է աճել նրա միջազգային և տարածաշրջանային հեղինակությունը վերջին տարիներին, և մենք վճռական ենք՝ է՛լ ավելի ընդլայնելու և ամրապնդելու մեր երկկողմ համագործակցությունը»,- ասել է նա։
Հավելենք, որ Մոսկվայում չորս երկրների ԱԳ նախարարները քննարկում են սիրիական զարգացումները, թուրք-սիրիական հարաբերությունների կարգավորումը։
Էմմա Չոբանյան
