16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Չինաստանն ու Գերմանիան կտրուկ դիտողություններով են փոխանակել. Պեկինը նախազգուշացրել է ԵՄ-ին
Քաղաքականություն
10.05.2023 | 13:52
Չինաստանն ու Գերմանիան Ուկրաինայի վերաբերյալ կտրուկ դիտողություններով են փոխանակվել։ Պեկինը նախազգուշացրել է ԵՄ-ին չինական ընկերությունների նկատմամբ պատժամիջոցների կիրառման հետ կապված, իսկ Բեռլինն իր հերթին հայտարարել է, որ «չեզոքությունը» հակամարտությունում նշանակում է լինել Ռուսաստանի կողմը, գրում է VOA-ն:
Վերջին մեկ ամսվա ընթացքում երկրորդ հանդիպման ժամանակ երկու երկրների արտգործնախարարները՝ Ցին Գանը և Աննալենա Բերբոքը, բազմիցս են բախվել միջազգային թատերաբեմում համաշխարհային տերությունների պատասխանատվության հարցում:
Ցին Գանը նախազգուշացրել է ԵՄ-ին Ռուսաստանի հետ կապված չինական ընկերությունների նկատմամբ սահմանափակող միջոցներ կիրառելուց՝ ասելով, որ Պեկինը միջոցներ կձեռնարկի իր շահերը պաշտպանելու համար։
Մեկնաբանելով չինական ութ ընկերությունների դեմ հնարավոր պատժամիջոցների վերաբերյալ ԵՄ-ում քննարկումները՝ նա հայտարարել է, որ եթե սահմանափակող միջոցներ ձեռնարկվեն, «Չինաստանը նույնպես անհրաժեշտ միջոցներ կձեռնարկի՝ չինական ընկերությունների օրինական շահերը պաշտպանելու համար»։
Հավելենք, որ այս ԵՄ դեսպանները կհանդիպեն, որպեսզի սկսեն քննարկել Ուկրաինայում ՌԴ ռազմական գործողությունների պատճառով պատժամիջոցների 11-րդ փաթեթի քննարկումները:
Տաթև Ֆռանգյան
