26.02.2026 | 12:21
ՌԴ-ն Ուկրաինայի մի քանի շրջանների զանգվածային հարված է հասցրել
Պենտագոնը հաստատել է, որ ռուսական հիպերձայնային «Կինժալը» խոցվել է Կիևի մոտ «Պատրիոտ» համակարգով
Քաղաքականություն
10.05.2023 | 13:11
ԱՄՆ Պաշտպանության նախարարության խոսնակ Փեթ Ռայդերը հաստատել է, որ մայիսի 4-ին Կիևի մոտ խոցվել է ռուսական «Կինժալ» հիպերձայնային հրթիռը Patriot համակարգի միջոցով, որը վերջերս ձեռք են բերել ուկրաինացի զինվորականները, գրում է BBC-ի ռուսական ծառայությունը։
«Կինժալն» արձակվել էր անցյալ շաբաթ ռուսական զանգվածային հրթիռային հարձակման ժամանակ։ Նախկինում Patriot համակարգերն օգտագործվել են սովորական բալիստիկ հրթիռների համար, հիպերձայնային հրթիռները խոցելու հնարավորությունը զուտ տեսական է եղել։
Չնայած ուկրաինացի զինվորականները հայտնաբերել են այս հրթիռի բեկորները, սակայն իշխանությունները հապաղում էին մանրամասներ բացահայտել։ Դրա մասին տեղեկությունը հայտնվել էր այլ աղբյուրներում, քանի որ հրթիռը համարվում է անխոցելի։ Դրանից հետո էլ տարածվող տեղեկությունները հաստատել էր Ուկրաինայի ԶՈՒ ռազմաօդային ուժերի հրամանատար, գեներալ-լեյտենանտ Նիկոլայ Օլեշչուկը։
«Այո՛, մենք խոցել ենք «անալոգներ չունեցող» «Կինժալը»։ Դա տեղի է ունեցել մայիսի 4-ի գիշերային հարձակման ժամանակ։ X-47 հրթիռն արձակել է ՄԻԳ-31-ը Ռուսաստանի տարածքից»,- նշել էր նա։
Այս հայտարարությունն էլ պաշտոնապես հաստատել է Պենտագոնը։
Էմմա Չոբանյան
