14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Թրամփին մեղավոր են ճանաչել սեռական ոտնձգության մեջ․ նա 5 մլն դոլարի փոխհատուցում պետք է վճարի
Քաղաքականություն
10.05.2023 | 11:33
Երդվյալ ատենակալները երեքշաբթի օրը վճիռ են կայացրել Դոնալդ Թրամփի գործով՝ նրան մեղավոր ճանաչելով 1990-ականներին գրող Է. Ջին Քերոլի նկատմամբ սեռական ոտնձգություն կատարելու մեջ։ ԱՄՆ նախկին նախագահը պետք է 5 միլիոն դոլարի փոխհատուցում վճարի Քերոլին, փոխանցում է VOA-ն։
ԱՄՆ նախկին նախագահը, որն արդեն պատրաստվում է արշավի 2024-ի նախագահական ընտրություններին ընդառաջ, կբողոքարկի որոշումը, ասել է նրա խոսնակ Սթիվեն Չյունգը։ Թրամփը ստիպված չի լինի վճարել, քանի դեռ գործը գտնվում է բողոքարկման փուլում։
Մանհեթենի դաշնային դատարանի ինը հոգուց բաղկացած երդվյալ ատենակալները թեև Թրամփից պահանջել են 5 միլիոն դոլարի փոխհատուցում սեռական ոտնձգության ու զրպարտության համար, սակայն չեն հաստատել բռնաբարության մեղադրանքը:
Ապրիլի 25-ից ընթացող դատավարության ողջ ընթացքում Թրամփը չի ներկայացել դատարան։ Իր «Truth Social» հարթակում հրապարակված գրառման մեջ Թրամփը դատավճիռն անվանել է «խայտառակություն»։ «Ես գաղափար չունեմ, թե ով է այս կինը»,- գրել է նա:
