10.04.2026 | 10:22
Աշխարհի գավաթ․ Երեք հայ մարմնամարզիկ եզրափակիչում է
Հանրահավաք՝ Ստեփանակերտի Վերածննդի հրապարակում
Քաղաքականություն
09.05.2023 | 16:27
Ստեփանակերտի Վերածննդի հրապարակում այսօր «Ո՛չ Արցախի էթնիկ զտմանը» նախաձեռնող խումբը հանրահավաք էր հրավիրել։ Հանրահավաքը սկսվել է Արցախի թեմի հոգևոր սպասավոր տեր Վաչագան քահանա Գյուրջյանի և մասնակիցների միասնական աղոթքով։
«Վերաիմաստավորելով մեր անցած հաղթանակները, հավատով ու հույսով լցվենք մեր ապագայի հանդեպ, ապավինենք Աստծուն և մեր միասնական բազկի ուժին», – դիմելով հավաքի մասնակիցներին՝ ասաց տեր Վաչագան քահանա Գյուրջինյանը։
Հանրահավաքի ընթացքում ներկաները հարգանքի տուրք մատուցեցին Հայերնական մեծ պատերազմում, Արցախյան առաջին պատերազմում և 44-օրյա պատերազմում նահատակվածների հիշատակին։ Նրանք նաև դիմեցին միջազգային հանրությանը Արցախի չլուծված խնդիրներին պատշաճ ուշադրություն դարձնելու կոչով։
Ելույթներ ունեցան Արցախյան պատերազմների մասնակիցներ։
Հանրահավաքի մասնակիցները կրում էին «Ո՛չ հայատյացությանը», «Artsakh turn to France», («Արցախը դիմում է Ֆրանսիային»), «This is a question of our security and subjectness» («Սա անվտանգության և սուբյեկտայնության հարց է») , «French senate proposes to open an office in Artsakh» («Ֆրանսիայի Սենատն առաջարկում է գրասենյակ բացել Արցախում») գրություններով պաստառներ։
