24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Պրիգոժինը հայտարարել է, թե ՌԴ ՊՆ ստորաբաժանումը փախել է՝ լքելով Բախմուտում դիրքերը
Քաղաքականություն
09.05.2023 | 15:55
«Վագներ» մասնավոր ռազմական խմբավորման հիմնադիր Եվգենի Պրիգոժինը պնդում է, որ Ռուսաստանի զինված ուժերի ստորաբաժանումներից մեկը մայիսի 9-ին լքել է դիրքերը Դոնեցկի մարզի Բախմուտի շրջանում։ Այս մասին նա հայտնել է տեսանյությում, որը տարածել է նրա մամուլի ծառայությունը, փոխանցում է Meduza-ն։
«Այսօր ՊՆ ստորաբաժանումներից մեկը փախել է՝ թողնելով դիրքերը։ Բոլորը փախան և մերկացրին ճակատը՝ գրեթե երկու կիլոմետր լայնությամբ և 500 մետր խորությամբ։ Դե, մենք ինչ-որ կերպ արգելափակեցինք այն»,- ասել է Պրիգոժինը:
Նա նաև նշել է, որ դիրքերը թողել է ՌԴ ՊՆ 72-րդ բրիգադը։ Պրիգոժինի խոսքով՝ ռուս զինվորականները թողել են ռազմավարական հենակետ, որտեղ զոհվել են «Վագների» շուրջ 500 վարձկաններ։
Նա, սակայն, չի մանրամասնել, թե ռազմաճակատի որ հատվածի մասին է խոսքը։
Պրիգոժինը պնդում է, որ Ուկրաինայի զինված ուժերը «պատռում են թևերը» Բախմուտի ուղղությամբ, վերախմբավորվում են Զապորոժիեի ուղղությամբ և մոտ ապագայում հակահարձակման կանցնեն։ Նա նաև բողոքել է, որ ՌԴ ՊՆ-ն չի տրամադրել խոստացած զինամթերքը։ Նրա խոսքով՝ մայիսի 8-ին նախարարությունում տեղի է ունեցել խորհրդակցություն, որի ժամանակ որոշվել է, որ «Վագները» ստանալու է պահանջված զինամթերքի 10 տոկոսը։ Պրիգոժինը նաև հավելել է, որ «Վագները» չի հեռանալու Բախմուտից դեռևս մի քանի օր։
Ըստ Պրիգոժինի՝ ՌԴ ՊՆ-ն, իբր, վարձականներին սպառնացել է պետական դավաճանությամբ Բախմուտը լքելու դեպքում։
Էմմա Չոբանյան
