16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
ԱՄՆ-ը հայտնել է հանձնառությունը՝ աշխատելու ժողովրդի կողմից ընտրված Թուրքիայի ցանկացած կառավարության հետ
Քաղաքականություն
09.05.2023 | 14:50
ԱՄՆ Պետքարտուղարության փոխխոսնակ Վեդանտ Պատելը հերթական ճեպազրույցում անդրադարձել է նաև Թուրքիայում նախանշված նախագահական և խորհրդարանական ընտրություններին։ Պատասխանելով հարցին, թե ինչպե՞ս են ազդելու ընտրությունների արդյունքները Թուրքիայի և ԱՄՆ-ի հարաբերությունների վրա, Պատելն ասել է, որ հանձնառու են՝ աշխատել ընտրված ցանկացած կառավարության հետ։
«Մենք կշարունակենք համագործակցել ցանկացած կառավարության հետ, որին կընտրի թուրք ժողովուրդը, և մենք կշարունակենք խորացնել այդ հարաբերությունները, աշխատել համագործակցության մի շարք ոլորտների և ընդհանուր առաջնահերթությունների վրա։ Թուրքիան, իհարկե, ՆԱՏՕ-ի կարևոր դաշնակից է և կարևոր դեր է խաղացել մի շարք հարցերում, որոնք կարևոր են Միացյալ Նահանգների համար»,- նշել է Պատելը։
Նա մատնանշել է, օրինակ, այն դերըակատարումը, որը Թուրքիան ունեցել է Սևծովյան հացահատիկային գործարքում։
«Սակայն, ընդհանուր առմամբ, ԱՄՆ-ն ընտրություններում որևէ մեկի կողմից չէ։ Մեր միակ հույսն է՝ տեսնել ազատ և արդար ընտրություններ ժողովրդավարական գործընթացի վրա հիմնված»,- ասել է Պատելը։
Հավելենք, որ Թուրքիայում նախագահական և խորհրդարանական ընտրությունները տեղի կունենան մայիսի 14-ին։
Էմմա Չոբանյան
