06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
Չավուշօղլուն Հայաստանին սպառնացել է «այլ քայլերով»․ սահմանը հատած ադրբեջանցին ազատազրկվեց․ Լուրեր
Տեսանյութեր
08.05.2023 | 20:21
- Թուրքիայի ԱԳ նախարար Մևլյութ Չավուշօղլուն Հայաստանի հասցեին սպառնալիքներ է հնչեցրել՝ Նեմեսիսի հուշակոթողի տեղադրման աթիռով։ Նա հայտարարել է, թե Թուրքիան այլ քայլեր ևս կձեռնարկի, բացի հայկական ինքնաթիռների համար օդային տարածքը փակելուց։ Չավուշօղլուն հիշատակել է Նիկոլ Փաշինյանի խոսքերը, թե տեղադրման որոշումը Երևանի քաղաքապետարանի հարցն է, բայց նշել է, որ եթե արձանը չհեռացվի, հարաբերությունների կարգավորում չի լինի։
- Դատարանը Հայաստանի սահմանը հատած երկու ադրբեջանցի զինծառայողներից մեկին՝ Ագշին Բաբիրովին դատապարտել է 11 տարի 6 ամիս ազատազրկման։ Ադրբեջանցի զինծառայողը մեղավոր է ճանաչվել սահմանն ապօրինի հատելու, պետական սահմանով հրազեն և ռազմամթերք ապօրինի տեղափոխելու համար։ Նա ընդունել է իրեն առաջադրված մեղադրանքը։ Երկրորդ զինծառայողի՝ Հուսեյն Ախունդովի քրեական քննությունը շարունակվում է։ Նա մեղադրվում է նաև «Զանգեզուրի պղնձամոլիբդենային կոմբինատ»-ի պահակի սպանության համար։
- Նիկոլ Փաշինյանից բացի, մայիսի 9-ին Մոսկվայում Հաղթանակի օրվա միջոցառումներին կարող են մասնակցել նաև Տաջիկստանի, Ղրղզստանի, Ղազախստանի նախագահները, թեև կողմից մասնակցության հաստատում առայժմ չի եղել։ Ռուսական կողմից հայտնել են, որ միջոցառմանը հրավիրել են ԱՊՀ երկրների ղեկավարներին։
Այս ժամի լուրերը՝ տեսանյութում։
