24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ուկրաինան ՌԴ-ին մեղադրել է «հացահատիկային գործարքի» պայմանները չկատարելու համար
Քաղաքականություն
08.05.2023 | 18:32
Ռուսաստանը փաստացի կանգնեցրել է «հացահատիկային նախաձեռնությունը»՝ հրաժարվելով նավերի գրանցումից և ստուգումներ անցկացնելուց։ BBC-ի ռուսական ծառայության հաղորդմամբ՝ այս մասին հայտարարել է Ուկրաինայի Տարածքների վերակառուցման և զարգացման նախարարությունը։
«Ռուսաստանի ապակառուցողական քաղաքականությունն անհնարին է դարձնում տեսչական պլանի կազմումը ճգնաժամային կենտրոնի ընթացակարգերին համապատասխան, որոնք նախատեսում են տեսչական պլանի ամենօրյա հաստատում բոլոր կողմերի կողմից՝ թե՛ ելքի, թե՛ մուտքի համար»,- նշվում է նախարարության Facebook-յան հաղորդագրության մեջ։
Գործակալության տվյալներով՝ այժմ Թուրքիայի տարածքային ջրերում ստուգման է սպասում 90 նավ, որից 62-ը բեռնման փուլում գտնվող նավեր են։
Նախարարությունում նշել են, որ հացահատիկային միջանցքով ուկրաինական գյուղմթերքի արտահանումն ապրիլին չի հասել նույնիսկ 3 միլիոն տոննայի։
Տաթև Ֆռանգյան
