09.09.2026 | 13:21
«Պերաշկու գործով» ես ինձ տուժող եմ համարում. «Ուժեղ Հայաստան»-ի պատգամավոր․ ՏԵՍԱՆՅՈւԹ
Ադրբեջանի դաշնակիցն է ՌԴ-ն, չի՛ հեռացնի անցակետը. Մոսկվայում բանակցելով՝ ՀՀ շահերը կոտնահարվեն. Էմիլ Օրդուխանյան․ ՏԵՍԱՆՅՈՒԹ
Քաղաքականություն
08.05.2023 | 20:32
Վաշինգտոնյան հանդիպումից հետո Հայաստանի և Ադրբեջանի ղեկավարները, ըստ Financial Times-ի, կհանդիպեն Բրյուսելում՝ ԵՄ Խորհրդի նախագահ Շառլ Միշելի միջնորդությամբ։ Պարբերականը նշում է, որ այս տեղեկատվությունը հաստատել են երեք լավատեղյակ աղբյուրներ: Նրանցից մեկը նշել է, որ Բրյուսելի հանդիպումն «առաջընթացի կարևոր նշան կլինի»՝ ավելացնելով, որ ԵՄ-ի և ԱՄՆ-ի միջնորդական ջանքերը փոխլրացնում են միմյանց:
Ի՞նչ արդյունքի միտված կլինի այս հանդիպումը, եթե այն իսկապես կայանա, քանի որ դեռ պաշտոնապես չի հաստատվել Հայաստանի կողմից։
Քաղաքագետ Էմիլ Օրդուխանյանը պնդում է, որ Թուրքիան և ՌԴ-ն չեն խոչընդոտի Արևմուտքի միջնորդությամբ ՀՀ-Ադրբեջան պրոցեսին, քանի որ չեն կարող։
«Հաջողություն է, որ չկա ռուս-թուրքական մենաշնորհը, և Ալիևը չի կարող անտեսել ԵՄ-ի ու ԱՄՆ-ի միջնորդած ձևաչափերը՝ ինչքան էլ ցանկանա մերժել արևմտյան ձևաչափերը, ուր իր շահերն ընդգրկված չեն լինելու։ Ալիևն իր լեգիտիմությունը պահում է՝ ադրբեջանցիների մոտ ՀՀ-ի թշնամական կերպարը պահպանելով։ Նա գնալու է ուժի սպառնալիքին, եթե չլինեն Արևմուտքի զսպումները։ ՌԴ-ն չի դատապարտել Ադրբեջանի ագրեսիան։ Գնալ Մոսկվա և բանակցե՞լ, մի երկիր, որը չի ճանաչել Ադրբեջանի ագրեսիան, նշանակում է, որ ՀՀ-ի շահերը կոտնահարվեն»,- ասաց Էմիլ Օրդուխանյանը։
Հիշեցնենք, որ Փաշինյանին և Ալիևին նաև Ռուսաստանում են սպասում։ Ռուսական կողմը պնդում է, որ կա պայմանավորվածություն Մոսկվայում նաև Հայաստանի և Ադրբեջանի ԱԳ նախարարների հանդիպման։ ԱԺ-ում Փաշինյանը հայտարարեց, որ կարգավորման առաջարկ Արևմուտքից Հայաստանը չի ստացել, իսկ ռուսական տարբերակը Երևանն ընդունում է։ Եվ Ալիևն է Շուշիում հայտարարել, թե ՀՀ-ի և Ադրբեջանի ԱԳ նախարարների բանակցությունների հաջորդ փուլը սպասվում է այս ամիս՝ ՌԴ-ում։
Հարցազրույցն ամբողջությամբ՝տեսանյութում։
Ռոբերտ Անանյան
