09.09.2026 | 16:19
Չխոշորացված համայնքը մի խոշորացրեք ու որևէ մարդու հագով մի կարեք համայնքի ղեկավարի պաշտոնը․ Մամիկոն Ասլանյան․ ՏԵՍԱՆՅՈւԹ
Արցախը հանձնեցինք, հողեր զիջելո՞վ եք խաղաղության հասնում. քաղաքացին՝ Նիկոլ Փաշինյանին
Քաղաքականություն
05.05.2023 | 19:54
Ես Արցախը չեմ հանձնել, ես 2018 թվականից արել եմ ամեն ինչ, որ Պաշտպանության բանակը պատրաստ լինի պատերազմի։ Այս մասին Չեխիայի Հանրապետության հայ համայնքի հետ հանդիպմանը հայտարարեց վարչապետ Նիկոլ Փաշինյանը՝ ի պատասխան Չեխիայում ապրող արցախցի արվեստագետի այն հարցին, թե հողերը զիջելո՞վ է խաղաղությունը պատկերացնում և այդ պարագայում ինչո՞ւ իր պաշտոնը չի թողնում առավել խելացի մարդկանց։
«Այդ խելացի և ուժեղ մարդիկ կարող են մասնակցել հայաստանի ընտրություններին և ղեկավարել»,- ի պատասխան՝ նշեց ՀՀ վարչապետը։
«Իսկ դուք ինչո՞ւ եք Չեխիայում ապրում․․․ Մենք 1994 թվականին հաղթել ենք, դրանից հետո Հայաստանի և Ղարաբաղի բնակչության թիվը նվազել է, Ադրբեջանինը՝ կրկնապատկվել․․․
Դուք ասում եք՝ Արցախը հանձեցիք, շատ լավ։ Դուք նկատի ունեք նոյեմբերի 9-ի համաձայնագի՞րը, թե՞ որ ես մինչ դա ինչ-որ բան չեմ արել։ Բանակցային ողջ ընթացքում հողերի զիջումը եղել է առանցքային խնդիր։ Եթե ձեզ մեկը կասի, որ ինքը հող չէր զիջելու, կստի։
Ես նոյեմբերի 9-ի հայտարարությունը ստորագրել եմ՝ հասկանալով, որ հակառակ պարագայում 30 հազար զինվոր գերի է մնալու։
Ասում եք՝ հողերը հանձնել եք, իսկ 30 տարի քանի՞ մարդ էր ապրում այդ հողի վրա։ Ի՞նչ ավելացված հարկ էր ստեղծվում մեր զինվորի համար այդ հողերի վրա։ Համարյա ոչինչ»,- նշեց Փաշինյանը։
Մանրամասները՝ տեսանյութում։
