20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Վլադիմիր Վարդանյանը հանդիպել է արգենտինացի իրավաբանների հետ
Քաղաքականություն
05.05.2023 | 15:55
ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը մայիսի 5-ին հանդիպել է արգենտինացի իրավաբաններ Լուսինա Մինասյանի եւ Իռենե Մասսիմինոյի հետ․ տեղեկացնում են ՀՀ ԱԺ-ից։
Վլադիմիր Վարդանյանը, ողջունելով հյուրերին խորհրդարանում, բարձր է գնահատել նրանց աշխատանքը` կարեւորելով համագործակցությունը:
Իռենե Մասսիմինոն տեղեկացրել է, որ համագործակցում են նաեւ սփյուռքահայ իրավաբանների հետ:
Արգենտինացի իրավաբանները Հայաստանում հանդիպել են մի շարք կառույցների ներկայացուցիչների հետ` ստանալով համապատասխան եւ համապարփակ տեղեկատվություն:
Քննարկվել են միջազգային իրավական գործընթացներին առնչվող հիմնահարցեր: Անդրադարձ է կատարվել միջազգային իրավունքի կիրառմանն առնչվող մի շարք հիմնահարցերի, մասնավորապես, միջազգային իրավունքի կիրառման ապահովման մեխանիզմներին:
Պայմանավորվածություն է ձեռք բերվել շարունակել ակտիվ համագործակցությունը: Ընդգծվել է համատեղ ջանքերով խախտված իրավունքների վերականգնմանը եւ արդարադատության հաստատմանը հասնելու անհրաժեշտությունը:
