25.11.2024 | 09:31
Փակ է «Ամբերդ»-ից Քարի լիճ տանող ճանապարհը
Բաքվի նյարդային արձագանքը Նիկոլ Փաշինյանին
Քաղաքականություն
04.05.2023 | 19:46
Պրահայում այսօր Չեխիայի վարչապետի հետ կայացած մամուլի ասուլիսում ՀՀ վարչապետ Նիկոլ Փաշինյանի հայտարարությունները կրկին Բաքվի նյարդային արձագանքն են առաջացրել։ Ադրբեջանի ԱԳՆ-ն, ինչպես միշտ, կեղծքիներով է պատասխանել՝ նշելով, թե «կտրակապաես հերքում է Լաչինի միջանցքում անցակետի տեղադրման, Արցախում հումանիտար ճգնաժամի ստեղծման, էթնիկ զտման քաղաքականության և Հայաստանի հետ սահմանի իրավիճակի սրման մասին հայտարարությունները»։
Բաքուն շարունակում է պնդել, թե Լաչինի միջանցքում ապօրինի անցակետը ստեղծվել է իր «սուվերեն տարածքում» և դրանով, իբր, անցնում են հայ բնակիչները։
Ադրբեջանը հերքում է նաև էթնիկ զտումների քաղաքականությունը։
«Այն, որ հայկական կողմը նման հայտարարություններ է անում այն ժամանակ, երբ խաղաղության համաձայնագրի շուրջ բանակցությունները շարունակվում են, նշանակում է, որ դա չի ծառայում խաղաղությանը»,- նշվում է մեկնաբանության մեջ։
Հավելենք, որ ընթացող բանակցությունների ֆոնին նախօրեին Ադրբեջանի նախագահը կրկին սպառնալիքներ էր հնչեցնում Հայաստանի հասցեին։
Էմմա Չոբանյան
