26.11.2024 | 10:46
Ադրբեջանում Մինգեչաուրի ջրամբարի տարածքում երկրաշարժ է տեղի ունեցել
Եվրամիությունը 30 մլն եվրո կհատկացնի Վրաստանի պաշտպանության ոլորտին աջակցելու համար
Քաղաքականություն
04.05.2023 | 19:10
Եվրամիությունը 30 մլն եվրո կհատկացնի Վրաստանի պաշտպանության ոլորտին աջակցելու համար։ Այս մասին ասվում է ԵՄ խորհրդի տարածած հայտարարության մեջ, փոխանցում է Գրուզիա օնլայնը։
«Խորհուրդը Խաղաղության եվրոպական հիմնադրամի շրջանակներում այսօր ընդունել է երկու միջոց ՝ աջակցելու Մոլդովայի զինված ուժերին և Վրաստանի պաշտպանության ուժերին՝ ամրապնդելու ազգային անվտանգությունը, կայունությունը և դիմացկունունությունը երկու երկրների պաշտպանական հատվածում», – ասված է ԵՄ խորհրդի հայտարարության մեջ։
Եվրոպական խորհրդի հայտարարության համաձայն՝ Վրաստանին օգնության փաթեթը հաշվարկված է 36 ամսվա համար։ Այս օգնությունը կուղղվի Վրաստանի պաշտպանական ուժերի ստորաբաժանումների մատակարարումներին ու ծառայություններին։
Նշվում է, որ հաստատված փաթեթն իր մեջ ներառում է ինժեներական, հրամանատարա-դիսպետչերական, բժշկական, նյութատեխնիկական ու կիբերանվտանգային հագեցվածություն։
Տաթև Ֆռանգյան
