14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Նազարբաևի ազգականը Ղազախստանում դատապարտվել է 7 տարվա ազատազրկման
Քաղաքականություն
04.05.2023 | 16:06
Աստանայի դատարանը հինգշաբթի օրը՝ մայիսի 4-ին, Ղազախստանի նախկին նախագահ Նուրսուլթան Նազարբաևի եղբորորդու նախկին կնոջը՝ Գյուլմիրա Սաթիբալդիին դատապարտել է 7 տարվա ազատազրկման՝ առանց գույքի բռնագրավման՝ մեղավոր ճանաչելով կամայականության և առևանգման մեջ, փոխանցում է DW-ի ռուսական ծառայությունը։ Բացի այդ, Սաթիբալդին կզրկվի Ղազախստանի պետական պարգևից՝ «Կուրմետի» շքանշանից։
Այս գործով երկրորդ մեղադրյալը՝ Սաթիբալդի Մադի Բատիրշաևի վարորդը, նույնպես դատապարտվել է 7 տարվա ազատազրկման, երրորդ մեղադրյալը՝ առևանգումն իրականացնող Ռաշիդ Ուտեբեկովը՝ 5 տարվա ազատազրկման։
Դատավարությունը շարունակվում էր մարտի կեսերից, գործով տուժողները երկու ձեռնարկատերեր են՝ Galanz bottlers JSC-ի հիմնադիր Տուրսենգալի Ալագուզովը և Maxi Bottlers LLP-ի նախկին սեփականատեր Այգուլ Մեկեշևան։
Հետաքննության տվյալներով՝ Սաթիբալդին փորձել է խլել խմիչք արտադրող խոշոր ընկերությունների բաժնետոմսերը, առևանգել է Մեկեշևային և սպառնացել սպանել նրա երեխաներին։ Վնասի չափը կազմել է ավելի քան 6 միլիարդ տենգե։ Ապրիլին Սաթիբալդին և Մեկեշևան միջնորդական համաձայնություն են ձեռք բերել, ամբաստանյալը մասամբ ընդունել է իր մեղքը։
