06.05.2024 | 14:40
Հայաստանի և Հունգարիայի կառավարությունների միջև տնտեսական համագործակցության մասին համաձայնագիր է ստորագրվել
Վաշինգտոնը հավատում է, որ ՀՀ-ի ու Ադրբեջանի միջև խաղաղությունը հնարավոր է
Քաղաքականություն
04.05.2023 | 12:30
Վաշինգտոնը հավատում է, որ ՀՀ-ի ու Ադրբեջանի միջև խաղաղությունը հնարավոր է․ հայտարարել է ԱՄՆ պետքարտուղարության փոխխոսնակ Վեդանտ Պատելը՝ պատասխանելով լրագրողի այն հարցին, թե բացի այն, որ ՀՀ-ի ու Ադրբեջանի ԱԳՆ ղեկավարների հանդիպումը շարունակվում է երրորդ օրն անընդմեջ, լավատեսության այլ հիմքեր կա՞ն։
«Առաջ չեմ ընկնի այդ բանակցություններից կամ այդ գործընթացներից։ Այն ինչ կնշեմ այն է, որ պետքարտուղարը խորապես ներգրավված է դրանցում, մենք հավատում ենք, որ այդ երկու երկրների միջև խաղաղությունը հնարավոր է։ Մենք հավատում ենք, որ ն ռազմական լուծում չկա, մենք հավատում ենք, որ դիվանագիտության միջոցով ուղիղ երկխոսությունը առաջընթացի անբաժան ուղին է։ Ահա թե ինչու ենք մենք գոհունակությամբ հյուրընկալում երկու արտգործնախարարներին արտաքին գերատեսչությունում, մասնակցում ու մեր վրա վերցնում այդ չափազանց կարևոր քննարկումները։ Ինչպես ասացի, պետքարտուղարն ու պետքարտուղարությունում մյուսները խորապես ներգրավված են դրանցում»,-հայտարարել է Պատելը։
