17.02.2026 | 18:51
Ունեմ համոզմունք, որ գործընթացը գնալու է ՀԷՑ-ը պետության գերակա շահ ճանաչելու տարբերակով․ Դավիթ Ղազինյան
Դպրոցների զինղեկներից բողոքներ ունենք, որ աշխատավարձ չեն ստացել․ պատգամավորը՝ նախարարին. ՏԵՍԱՆՅՈՒԹ
Քաղաքականություն
03.05.2023 | 20:17
2022 թվականի դեկտեմբերի 29-ին ՀՀ կառավարությունը նոր որոշում է ընդունել, որտեղ նշված չէ դպրոցների զինղեկներին տրվող լրացուցիչ վարձավճարների չափը, և հասկանալի չէ, այս 5 ամիսների ընթացքում զինղեկները վճարվել են թե ոչ։
Սյունիքի մարզի զինղեկներից Բողոքներ կան, որ աշխատավարձ չեն ստացել։
Ազգային ժողովում հարցուպատասխանի ժամանակ անդրադառնալով այս դիտարկմանը՝ ԿԳՄՍ նախարար Ժաննա Անդրեասյանը նշեց․ «Զինղեկների աշխատանքը դպրոցներում կարգավորելու համար երկար տարիներ գործել է համատեղ հրաման՝ կրթության և գիտության այն ժամանակվա նախարարի և պաշտպանության նախարարի համատեղ հրամանը, որը բարդացրել է գործընթացը։ Նախորդ տարվա դեկտեմբերին ընդունված որոշումն ավելի ընդգրկուն է, վերաբերում է զորահավաքային պատրաստության կարգին։
Ներկայումս իրականացնում ենք դպրոցների ֆինանսավորման կարգից բխող նորմատիվների և գործակիցների հրամանի վերանայում։ Այդ կարգավորումները վատթարացնող չեն լինելու, զինղեկները հավելյալ աշխատանք կատարելու համար վճարվելու են, ինչպես որ վճարվել են։ Քննարկել ենք այս բաղադրիչն ուժեղացնելու հարցը։ Ունենք առաջարկների փաթեթ։
Ինչ վերաբերում է Սյունիքի մարզի որոշ դպրոցներում թյուրընկալմանը, հարցից տեղյակ եմ, դպրոցների տնօրենների հետ կոմունիկացիան տեղի է ունեցել, որպեսզի այդ հարցը կարգավորվի»։
Մանրամասները՝ տեսանյութում։
