17.05.2026 | 10:50
Վթարային ջրանջատում Լոռու և Կոտայքի մարզերում
Ալիևը բողոքել է ԱՄՆ-ի և Ֆրանսիայի՝ Ադրբեջանի նկատմամբ «անարդար վերաբերմունքից»
Քաղաքականություն
03.05.2023 | 21:41
Ադրբեջանի նախագահ Իլհամ Ալիևն Արցախի օկուպացված Շուշի քաղաքում հոր՝ Հեյդար Ալիևի 100-ամյակի նվիրված համաժաղովի ընթացքում կրկին բողոքել է Ֆրանսիայից և ԱՄՆ-ից՝ նշելով, թե միջազգային հանրությունը, հատկապես՝ այս երկու երկրները Ղարաբաղյան հակամարտության հարցում անարդար են Բաքվի նկատմամբ, գրում են տեղական լրատվամիջոցները։
Ալիևը նշել է, թե ԱՄՆ-ի դեպքում «դա դրսևորվել է Ազատության ակտի 907-րդ կետի փոփոխությամբ, որի հեղինակը հայկական լոբբին էր»։ Մյուս կողմից, ըստ նրա, դա Մինսկի խումբն էր, որը ոչինչ չի արել, շահագրգռված էր ստատուս քվոյի պահպանմամբ։ Վերջապես կա Ֆրանսիան, որը «փորձել է վերակենդանացնել ԵԱՀԿ Մինսկի խումբը»։
«Ի տարբերություն ԱՄՆ-ի և Ռուսաստանի՝ Ֆրանսիան հայամետ դիրքորոշում է զբաղեցրել՝ դրանով իսկ իրեն բացառելով բանակցություններից կամ միջնորդությունից։ Ավելին, Ֆրանսիայի Սենատը հայտարարեց Լեռնային Ղարաբաղի ճանաչման մասին, իսկ պաշտոնական Փարիզը մի շարք հակաադրբեջանական հայտարարություններ ու մեղադրանքներ է հնչեցրել ՄԱԿ-ում, Ֆրանկոֆոնիայի համաժողովում և այլն։ Այս ամենը մեկուսացրել է Ֆրանսիային կարգավորման գործընթացից և զրկել նրան միջնորդ լինելու իրավունքից, որը պետք է չեզոք լինի»,- հայտարարել է Ալիևը։
Էմմա Չոբանյան
