14.09.2026 | 16:23
Փաստաբան և Հարկադիրի նախկին պաշտոնյաներ են ձերբակալվել
Էրդողանի խոսնակը ևս անդրադարձել է հայկական ինքնաթիռների համար թուրքական օդային տարածքի փակմանը
Քաղաքականություն
03.05.2023 | 15:51
Թուրքիայի նախագահի մամուլի խոսնակ, գլխավոր խորհրդական Իբրահիմ Քալընը անդրադարձել է հայկական ինքնաթիռների համար թուրքական օդային տարածքի փակմանը, գրում են թուրքական լրատվամիջոցները։
«Հայաստանին չարձագանքելու խոսք չի կարող լինել։ Մեզ ցեղասպանության մեջ մեղադրող գործողությունը չէր կարող անպատասխան մնալ: Իհարկե,այն կունենա հետևանքներ, ինչպիսին է օրինակ օդային տարածքի փակումը»,-ասել է Քալընը։ Հիշեցնենք, որ այսօր ավելի վաղ էլ Թուրքիայի ԱԳ նախարար Մևլութ Չավուշօղլուն ասել էր, որ Անկարայի որոշման պատճառը Երևանում օրերս բացված «Նեմեսիս» հուշակոթողն է։ Նա սպառնացել էր, որ եթե «Հայաստանը այդպես շարունակի, ապա Անկարան նոր քայլեր կձեռնարկի»։
«Ես չեմ կարող սա ընդունել։ Ի պատասխան՝ մենք փակել ենք մեր օդային տարածքը հայկական ինքնաթիռների համար։ Հանդիպման է գալու միայն Հայաստանի խորհրդարանի նախագահը, բացառապես մենք նրան թույլ ենք տվել (նկատի ունի ՀՀ Ազգային ժողովի նախագահ Ալեն Սիմոնյանի այցն Անկարա Սևծովյան տնտեսական համագործակցության խորհրդարանական վեհաժողովին մասնակցելու համար),-ասել էր Չավուշօղլուն։
Էմմա Չոբանյան
