24.02.2026 | 15:25
Իտալիայում, Ֆրանսիայում, ԱՄՆ-ում խաղացող ֆուտբոլիստները՝ կանանց Հայաստանի հավաքականում
Ադրբեջանցի պաշտոնյան սպառնում է Դադիվանքում գտնվող հայ հոգևորականներին
Քաղաքականություն
02.05.2023 | 15:09
Ադրբեջանի կրոնական կազմակերպությունների հետ աշխատանքի պետական կոմիտեի նախագահ Մուբարիզ Գուրբանլին լրագրողների հետ զրույցում ադրբեջանական քարոզչական թեզեր է հնչեցրել ու սպառնացել Դադիվանքում գտնվող հայ հոգևորականներին։
Նա պնդել է, որ հայ հոգևորականները պետք է հեռանան եկեղեցուց։ «Այն պատկանում է կովկասյան Ալբանիային, և վաղ թե ուշ այն կկառավարվի ալբանա-ուդի կրոնական համայնքի կողմից։ Համոզված եմ, որ նրանք այնտեղից կգնան»,-ասել է Գուրբանլին։
Ադրբեջանը պարբերաբար և հետևողականորեն կեղծում է պատմությունը՝ Դադիվանքը, ինչպես նաև այլ պատմամշակութային հուշարձաններ ներկայացնելով որպես ալբանական։ Հիշեցնենք, որ Արցախյան 44-օրյա պատերազմի ժամանակ Դադիվանքի հարակից տարածքներն անցել են ադրբեջանական հսկողության տակ, իսկ եկեղեցու տարածքը հսկում են ռուս խաղաղապահները։
Էմմա Չոբանյան
