16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
ԱՄՆ-ն բանակցում է Ֆինլանդիայում զորքերի տեղակայման շուրջ
Քաղաքականություն
02.05.2023 | 13:26
ԱՄՆ-ն ու վերջերս ՆԱՏՕ-ի անդամ դարձած Ֆինլանդիան բանակցություններ են վարում երկկողմ պաշտպանական համագործակցության շուրջ։ Եթե համաձայնագիրը կնքվի, Միացյալ Նահանգների զինված ուժերը կկարողանան ազատորեն օգտագործել Ֆինլանդիայի տարածքը տեխնիկայի պատրաստման և տեղակայման համար։ Այս մասին գրում է DW-ի ռուսական ծառայությունը ֆիննական Helsingin Sanomat-ին հղումով։
Հաղորդվում է, որ բանակցությունների հերթական փուլը տեղի է ունեցել անցյալ շաբաթ Հելսինկիի Կատայանոկե շրջանում։ Ֆինլանդիայի ԱԳՆ քաղաքական բաժնի ղեկավարի տեղակալ Միքայել Անտելը նշել է, որ համաձայնագրի տեքստը դաշնակիցների միջև քննարկվել է «դրական և լուծումներ գտնելու ուղղությամբ»։ Նախագահ Սաուլի Նիինիստյոն խոսել է համաձայնագրի մասին, որպես Ֆինլանդիայի անվտանգությունը առավելագույնի հասցնելու միջոցի՝ նշելով, որ Միացյալ Նահանգները կարևոր գործոն է այս հարցում։ Հիշեցնենք, որ Ֆինլանդիան ապրիլի 4-ին պաշտոնապես դարձել է ՆԱՏՕ-ի 31-րդ անդամը։
