25.07.2026 | 19:46
Համբուրգ․ Էլինա Ավանեսյանը պարտվեց կիսաեզրափակիչում. ՏԵՍԱՆՅՈՒԹ
Եթե սա ստվերային է, բա իրոք ստվերայինը ո՞րն է․ կարո՞ղ է 2007-ի հայ-թուրքական բանակցությունները․ ՏԵՍԱՆՅՈՒԹ
Քաղաքականություն
02.05.2023 | 10:39
ԱԺ ընդդիմադիր պատգամավորների համար անհասկանալի է՝ ինչու է հայ-ադրբեջանական բանակցություններին մասնակցում Թուրքիայի հետ բանակցություններում ՀՀ ներկայացուցիչ, ԱԺ փոխնախագահ Ռուբեն Ռուբինյանը:
Ազգային ժողովի հերթական նիստում «Քաղաքացիական պայմանագիր» խմբակցության պատգամավոր Վահագն Ալեքսանյանն արձագանքեց ընդդիմադիր պատգամավորների հայտարարություններին՝ նշեց․ «Այս հարցերը չէին տա մեր ընդդիմադիր գործընկերները, եթե այս բանակցությունները լինեին Մոսկվայում։
Բայց հատկապես ծիծաղելի է, թե ո՞նց է կարելի, երբ ամբողջ աշխարհի ու տեսախցիկների առաջ, մամլո հաղորդագրություններով բանակցում են, դուք ասում եք՝ ստվերային բանակցություններ են ընթանում հայ ժողովրդի թիկունքում։ Եթե ստվերային է, բա իրոք ստվերայինը ո՞րն է։ Կարո՞ղ է 2007 թվականի հայ-թուրքական բանակցություններն են, կարող է։
Հատկապես շատ հետաքրքիր է, որ ասում եք՝ Ռուբեն Ռուբինյանը Թուրքիայի գծով Հայաստանի բանակցողն է, և եթե մասնակցում է այս բանակցություններին, ուրեմն այստեղ կա նաև Թուրքիայի գործոնը, հետևաբար այս ամենը Հայաստանը շաղկապում է իրար։
Ռուբեն Ռուբինյանը շաբաթվա մեջ հանդիպում է տասնյակ պատվիրակությունների՝ Հայաստանում ու Հայաստանից դուրս, և այստեղ չեմ տեսնում, թե որն է խնդիրը։ Սա խորհրդարանական պետություն է, և ԱԺ փոխնախագահը մասնակցում է այդ բանակցություններին, խնդիրը ո՞րն է»,- նշեց Ալեքսանյանը։
Մանրամասները՝ տեսանյութում։
