24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Էր Ռիադում վերաբացվել է Իրանի դեսպանատունը
Քաղաքականություն
01.05.2023 | 19:14
Իրանը վերաբացել է իր դեսպանատունը Սաուդյան Արաբիայում։ Այս մասին հայտնում է Ինտերֆաքսը՝ վկայակոչելով Իրանի ԱԳՆ-ի հայտարարությունը։
Թեհրանն Էր Ռիադում ներկայացված է գործերի ժամանակավոր հավատարմատարի մակարդակով, քանի որ Իրանը դեռևս դեսպան չի նշանակել Սաուդյան Արաբիայում։
Ավելի վաղ հաղորդվել էր, որ Թեհրանում էլ սպասվում է Իրանում Սաուդյան Արաբիայի դեսպանատան աշխատանքի վերսկսումը մինչև մայիսի 9-ը։
Իրանի և Սաուդյան Արաբիայի հարաբերությունները զգալիորեն վատթարացել էին 2016 թվականին՝ այն բանից հետո, երբ Ռիադում մահապատժի ենթարկվեց ազդեցիկ շիա աստվածաբանը, որը քննադատում էր Սաուդյան միապետությունը: Դրանից հետո Թեհրանում ցուցարարները հարձակվել էին Սաուդյան Արաբիայի դեսպանատան վրա, ինչին ի պատասխան՝ Էր Ռիադը խզել էր դիվանագիտական հարաբերությունները Թեհրանի հետ։
Այս տարվա մարտին Չինաստանի միջնորդությամբ Իրանն ու Սաուդյան Արաբիան պայմանավորվել են վերականգնել դիվանագիտական հարաբերությունները։
Տաթև Ֆռանգյան
