04.11.2024 | 23:04
Ադրբեջանի ՊՆ ղեկավարը Սլովակիայում ռազմատեխնիկական համագործակցության հարցեր է քննարկել
ՌԴ-ում Թուրքիայի քաղաքացիները սկսել են համապետական ընտրությունների քվեարկությունը
Քաղաքականություն
01.05.2023 | 19:45
Թուրքիայի համապետական ընտրությունների քվեարկությունն անցկացվում է Ռուսաստանում Թուրքիայի քաղաքացիների համար բացված 4 ընտրատեղամասերում։ Այս մասին ՌԻԱ Նովոստիին հայտնել են Մոսկվայում Թուրքիայի դեսպանատնից։
«Ռուսաստանում քվեարկության առաջին փուլի համար ընտրատեղամասերը բաց են ապրիլի 29-ից մայիսի 7-ը՝ ժամը 09:00-ից 21:00-ն։ Ռուսաստանում բնակվող Թուրքիայի քաղաքացիները կկարողանան քվեարկել Մոսկվայում Թուրքիայի դեսպանատանը, ինչպես նաև Սանկտ Պետերբուրգում, Կազանում և Նովոռոսիյսկում գլխավոր հյուպատոսարաններում»,-հայտնել են դեսպանատնից։
Թուրքիայի դեսպան Մեհմեդ Սամսարն ապրիլի 29-ին արդեն քվեարկել է Մոսկվայի ընտրատեղամասում։ Դեսպանատնից նաև հավելել են արտերկրում գրանցված է 3 մլն 416 հազար 98 թուրք ընտրող։
Հաղորդվում է նաև, որ Թուրքիայի բարձրագույն ընտրական հանձնաժողովի տվյալներով՝ Ռուսաստանում ընտրողների թիվը 14,357 է։
Հավելենք, որ Թուրքիայի նախագահական և խորհրդարանական ընտրությունները տեղի կունենան մայիսի 14-ին, միչև այդ արտերկրում Թուրքիայի քաղաքացիների քվեարկությունն արդեն սկսվել է։
Էմմա Չոբանյան
