26.02.2026 | 11:20
Մենք և մեր մամուլը շատ անելիքներ ունենք թերությունները շտկելու համար, որոնք չափից շատ են. Ռուբինյան․ ՏԵՍԱՆՅՈՒԹ
Հռոմի պապը հայտնել է, որ Վատիկանը ներգրավված է Ուկրաինայի հարցով գաղտնի խաղաղարար առաքելությունում
Քաղաքականություն
01.05.2023 | 16:31
Հռոմի Ֆրանցիսկոս պապը հայտարարել է, որ Վատիկանը մասնակցում է խաղաղարար առաքելությանը, որը փորձում է վերջ դնել Ռուսաստանի և Ուկրաինայի միջև պատերազմին: Նա, սակայն, նշել է, որ առայժմ չի կարող բացահայտել բոլոր մանրամասները, գրում է Reuters-ը։
«Այժմ առաքելություն է ընթանում, բայց այն դեռևս չի հրապարակվել։ Երբ հրապարակվի, ես կպատմեմ դրա մասին»,- ասել է Ֆրանցիսկոս պապը Հունգարիա կատարած եռօրյա այցից հետո։
Նրա խոսքով՝ Ուկրաինայում ստեղծված իրավիճակի մասին նա խոսել է Հունգարիայի վարչապետ Վիկտոր Օրբանի և Բուդապեշտում Ռուս ուղղափառ եկեղեցու ներկայացուցիչ մետրոպոլիտ Իլարիոնի հետ։
«Մենք խոսել ենք այդ ամենի մասին։ Բոլորին հետաքրքրում է խաղաղության ճանապարհը»,- ասել է Հռոմի պապը։
Նա նաև հայտարարել է, որ պատրաստ է օգնել ուկրաինացի երեխաներին, ովքեր, ուկրաինական կողմի պնդմամբ, բռնի կերպով Ռուսաստան են տարվել։
Տաթև Ֆռանգյան
