25.11.2024 | 10:44
Տպավորություն է՝ փրկօղակ եք ուզում սարքեք, ասեք՝ անհասկանալի ընկերությունում ներդրում արեք․ Խաչատրյան․ ՏԵՍԱՆՅՈՒԹ
ՄԱԿ-ի ԱԽ-ն թալիբներին կոչ է արել վերջ տալ կանանց նկատմամբ խտրականությանը
Քաղաքականություն
28.04.2023 | 22:44
ՄԱԿ-ի Անվտանգության խորհուրդը միաձայն ընդունված բանաձևով Աֆղանստանի «Թալիբան» իսլամական արմատական շարժմանը կոչ է արել դադարեցնել կանանց նկատմամբ թշնամական քաղաքականությունը։ Ճապոնիայի և Արաբական Միացյալ Էմիրությունների կողմից ներկայացված բանաձևին աջակցել են համաշխարհային կազմակերպության Անվտանգության խորհրդի անդամ բոլոր 15 երկրները, գրում է DW-ի ռուսական ծառայությունը։
Փաստաթղթում ընդգծվում է, որ թալիբները պետք է անհապաղ հրաժարվեն կանանց հիմնարար իրավունքների սահմանափակումից և ապահովեն, որ կանայք և աղջիկներն Աֆղանստանում «անսահմանափակ, հավասար, ողջամիտ և անվտանգ մասնակցություն ունենան երկրի կյանքին»։
ՄԱԿ-ի Անվտանգության խորհուրդը նաև դատապարտել է Աֆղանստանի ղեկավարների որոշումը՝ արգելել աֆղանցի կանանց աշխատել ՄԱԿ-ի հետ։
Չնայած այն հանգամանքին, որ ՄԱԿ-ի Անվտանգության խորհրդի բանաձևն իրավաբանորեն պարտադիր է, փորձագետները չեն ակնկալում, որ թալիբները կփոխեն իրենց քաղաքականությունը։
Տաթև Ֆռանգյան
