17.05.2026 | 10:37
UFC. Հայտնի է Քոնոր Մաքգրեգորի հաջորդ մրցակիցն ու մենամարտի օրը
Հյուսիսային Կորեայի կողմից միջուկային զենքի օգտագործումը վերջ կդնի Կիմի ռեժիմին․ Ջո Բայդեն
Քաղաքականություն
27.04.2023 | 22:35
Հյուսիսային Կորեայի կողմից ԱՄՆ-ի կամ նրա դաշնակիցների դեմ միջուկային հարձակում իրականացնելու փորձը կլինի Կիմ Չեն Ընի ռեժիմի վերջը: Այս մասին հայտարարել է ԱՄՆ նախագահ Ջո Բայդենը՝ Սպիտակ տանը Հարավային Կորեայի առաջնորդ Յուն Սուկ Յոլի հետ մամուլի ասուլիսի ժամանակ, փոխանցում է Bloomberg-ը։
«Նման հարձակումն անընդունելի կլինի և վերջ կդնի ցանկացած ռեժիմի, որը կդիմի նման գործողությունների», – ասել է Բայդենը։
Նա նշել է, որ Միացյալ Նահանգները Հարավային Կորեայի հետ միասին նոր մեթոդներ է մշակում՝ ԿԺԴՀ-ում միջուկային զենքի կուտակմանը հակազդելու համար։ Վերջին տասնամյակում առաջին անգամ ԱՄՆ-ի միջուկային սուզանավերը կարող են տեղակայվել երկրում։
«Մենք չենք պատրաստվում միջուկային զենք տեղակայել թերակղզում, բայց կայցելենք նավահանգիստներ, կուղարկենք միջուկային սուզանավեր և այլն: Մենք հետ չենք կանգնի դրանից»,- ասել է Սպիտակ տան ղեկավարը։
Երկու երկրների ղեկավարները նաև պայմանավորվել են ստեղծել միջուկային խորհրդատվական խումբ՝ բարելավելու համակարգումը, տեղեկատվություն փոխանակել՝ ռազմավարական զենքի ոլորտում համագործակցության և ավելի շատ համատեղ զորավարժություններ անցկացնելու համար։
Տաթև Ֆռանգյան
