ԱԺ հանձնաժողովը հավանություն է տվել ԱՊՀ համաձայնագրին. ՀՀ-ն այն ստորագրել է հատուկ կարծիքով, Ադրբեջանը՝ վերապահումով

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Արտակարգ իրավիճակների զարգացման վտանգ ներկայացնող վարակիչ հիվանդությունները շատացել են: Ուստի անհրաժեշտություն է առաջացել ԱՊՀ մասնակից երկրների հետ փոխօգնության համաձայնագիր կնքել: Այս մասին Ազգային ժողովի առողջապահության հարցերի մշտական հանձնաժողովի` ապրիլի 26-ի նիստում ասել է Առողջապահության նախարարի տեղակալ Լենա Նանուշյանը. տեղեկացնում են ՀՀ ԱԺ-ից։

««Հանրային առողջապահության ոլորտում սանիտարահամաճարակաբանական բնույթի արտակարգ իրավիճակների կանխարգելման եւ արձագանքման նպատակով Անկախ Պետությունների Համագործակցության մասնակից պետությունների համագործակցության մասին» համաձայնագիրը վավերացնելու մասին» նախագծի զեկուցման ընթացքում:

Փոխնախարարը նշել է, որ համաձայնագիրն ուղղված է ԱՊՀ մասնակից երկրների միջեւ համագործակցության ուժեղացմանն այն դեպքերում, երբ պետությունները միայնակ չեն կարողանում կանխարգելել հիվանդությունների հետագա զարգացումը:

Ըստ Լենա Նանուշյանի` փոխօգնությունը հիմնված է լինելու համաճարականաբանական մասնագիտացված խմբերի միջոցով օգնության տրամադրմանը:

Համաձայնագիրը ստորագրվել է 2022 թվականի հոկտեմբերի 28-ին, Աստանայում:

Գերատեսչության ներկայացուցիչը հայտնել է, որ համաձայնագիրը Հայաստանը ստորագրել է հատուկ կարծիքով, Ադրբեջանի կողմից` վերապահումով:

ԱԺ «Քաղաքացիական պայմանագիր» խմբակցության պատգամավոր Լուսինե Բադալյանը հետաքրքրվել է, թե ի՞նչ հատուկ կարծիք է Հայսատանը տվել համաձայնագրին ու ի՞նչ վերապահումով է Ադրբեջանը ստորագրել այն:

«Փաստաթղթի դրույթները Հայաստանի կողմից Ադրբեջանի նկատմամբ կիրառվելու են ՀՀ, ՌԴ եւ Ադրբեջանի առաջնորդների` 2020 թվականի նոյեմբերի 9-ի, 2021 թվականի հունվարի 11-ի եւ նոյեմբերի 26-ի եռակողմ հայտարարությունների շրջանակում ամրագրված բոլոր պայմանավորվածությունների իրականացման, ինչպես նաեւ Ադրբեջանի Հանրապետության կողմից Հայաստանի Հանրապետության օկուպացրած տարածքների ամբողջական ազատման ու Լեռնային Ղարաբաղի հակամարտության քաղաքական, դիվանագիտական կարգավորման արդյունքներով` միջազգային իրավունքների նորմերին ու սկզբունքներին համապատասխան` ՄԱԿ-ի կանոնադրության մեջ ամրագրված նպատակների իրագործման շահերից ելնելով», – ասել է առողջապահության նախարարի տեղակալը:

Փոխնախարարը հստակեցրել է նաեւ, թե ինչ վերապահումով է Ադրբեջանը ստորագրել համաձայնագիրը: Ըստ նրա` Ադրբեջանն իրեն չի համարում կաշկանդված «Արտակարգ իրավիճակների կանխարգելման եւ վերացման ոլորտում ԱՊՀ մասնակից պետությունների համագործակցության վերաբերյալ 2015 թվականի Համաձայնագրի դրույթներով», քանի որ դրա մասնակիցը չէ:

«Համաձայնագրի դրույթներն Ադրբեջանի կողմից չեն կիրառվելու Հայաստանի նկատմամբ մինչեւ հակամարտության հետեւանքների ամբողջական վերացում ու երկու երկրների հարաբերությունների կարգավորում», – ասել է փոխնախարարը:

Հանձնաժողովի նախագահ Նարեկ Զեյնալյանը տեղեկացրել է, որ Սահմանադրական դատարանի որոշմամբ համաձայնագիրը համապատասխանում է ՀՀ սահմանադրությանը:

Նախագիծը ստացել է դրական եզրակացություն:

««Լիցենզավորման մասին» օրենքում լրացում կատարելու մասին» նախագծի երկրորդ ընթերցմամբ քննարկումը հետաձգվել է մինչեւ երկու ամիս ժամկետով: