24.02.2026 | 15:05
Կոկաինի գործով նիստը, որով ԴԱՀԿ նախկին պետ Միհրան Պողոսյանը մեղադրյալ է, հետաձգվեց
Թուրքիան էլեկտրական մեքենաների համար մարտկոցներ կարտադրի
Քաղաքականություն
24.04.2023 | 22:31
Թուրքական «Turkish Automobiles Initiative Group» (Togg) և չինական «Farasis» էներգետիկ ընկերության համագործակցության շրջանակում Թուրքիայում էլեկտրական մեքենաների մարտկոցների գործարան կկառուցվի: Այս մասին հայտնում է Anadolu գործակալությունը։
Գործարանը կկառուցվի Թուրքիայի արևմտյան Բուրսա նահանգի Գեմլիկ շրջանում։ Բացման արարողությանը մասնակցի Թուրքիայի նախագահ Ռեջեփ Թայիփ Էրդողանը։
Թուրքիայի Արդյունաբերության և տեխնոլոգիաների նախարարությունում նշել են, որ նոր ձեռնարկությունը զգալի ներդրում կունենա հայրենական Togg էլեկտրական մեքենաների առաջխաղացման գործում։
607 հազար քառակուսի մետր մակերեսով նոր ձեռնարկությունը կգտնվի Բուրսայի Togg մեքենաների գործարանի մոտ: Այն շահագործման կհանձնվի 2024 թվականի վերջին։ Մինչև 2031 թվականը ձեռնարկության հզորությունը նախատեսվում է հասցնել 20 ԳՎտ-ի։
Ավելի վաղ հաղորդվել էր, որ առաջին թուրքական էլեկտրամեքենան արդեն պատրաստ է վաճառքի։
Տաթև Ֆռանգյան
