06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Անպարկեշտ արտահայտություններ են երեկ հնչել ՀՅԴ-ի հասցեին. Մինասյանը՝ Սիմոնյանին․ ՏԵՍԱՆՅՈՒԹ
Քաղաքականություն
21.04.2023 | 12:02
Ազգային ժողովի՝ երեքշաբթի մեկնարկած արտահերթ նիստը շարունակվում է։ «Հայաստան» խմբակցության ղեկավար Սեյրան Օհանյանը վարման կարգով հանդես եկավ՝ նշելով, որ երեկվա միջադեպի պատճառով «Հայաստան» խմբակցության պատգամավորների նախապատրաստած ելույթներն ընդհատվեցին, և առաջարկելով վերականգնել, որ պատգամավորները հնարավորություն ունենան խոսելու։
ԱԺ նախագահ Ալեն Սիմոնյանը նշեց, որ առաջարկն ընդունելի է․ որոշվեց թույլատրել պատգամավորներին ելույթներ ունենալ:
Սիմոնյանը հորդորեց զերծ մնալ վիրավորանքներից ու հնարավոր սադրանքներից:
«Հայաստան» խմբակցության քարտուղար Արծվիկ Մինասյանը նշեց, թե իրենց խմբակցությունը երեկ ունեցել է միայն քաղաքական ելույթներ, ավելին՝ հստակ գնահատականներ են հնչեցրել:
«Մեր նպատակը խաթարելը չէ, հակառակը՝ օբյեկտիվ գնահատական տալն է: Երեկ այս ամբիոնից անպարկեշտ գնահատականներ են հնչել ՀՅԴ-ի հասցեին, այս ամեն ինչին պատրաստվում ենք հակադարձել», – նշեց պատգամավորը:
ԱԺ նախագահը հայտարարեց, որ ԱԺ ամբիոնից թե՛ իշխանական, թե՛ ընդդիմադիր պատգամավորները չպետք է անպարկեշտ հայտարարություններ անեն։
Մանրամասները՝ տեսանյութում։
