11.04.2026 | 22:24
Այցելել եմ երեկվա ողբերգական վթարից տուժած փոքրիկներին․ Ավանեսյան
«Չափ կա, սահման կա․ Արցախից պրետենզիաներ են հնչում»․ Գուրգեն Արսենյան․ ՏԵՍԱՆՅՈՒԹ
Քաղաքականություն
20.04.2023 | 18:32
«Այժմ մեր պետությունը վերադարձել է ժողովրդին, իսկ ժողովուրդը՝ պետությանը,- այս մասին ԱԺ այսօրվա նիստում հայտարարեց «Քաղաքացիական պայմանագիր» խմբակցության պատգամավոր Գուրգեն Արսենյանը՝ հավելելով, որ ամեն ջանք գործադրվում է, որպեսզի երկրի անվտանգության համակարգը լինի ավելի կայուն և հաստատվի խաղաղություն։
Անդրադառնալով Արցախի ԱԺ խմբակցությունների կողմից արվող հայտարարություններին՝ Արսենյանը նշեց. «Արցախի հարգելի բնակիչներ, ուշադիր եղեք ձեր քաղաքական ղեկավարության նկատմամբ, որովհետև ձեր ղեկավարության արձագանքը մեր կողմից հնչեցված թեզերին շատ տարօրինակ է, իսկ այստեղից հնչող հայտարարություններն ունեն մի նպատակ՝ ապահովել Արցախի բնակիչների անվտանգ կյանքը: Նրանք կամ հասկանում են, բայց խեղաթյուրում են մեր ասածները՝ արձագանքելով ուրիշ կերպ, կամ չեն հասկանում:
Արդեն պետք է նրանց բացատրենք, որովհետև չափ կա, սահման կա: Նրանց թվում է, թե իրենց տրված է մեզ քննադատելու սրբազան իրավունք: Էդ դերակատարումը աշխատում էր այն ժամանակ, երբ Հայաստանի քաղաքական թատերաբեմում կային Արցախից եկած հյուրախաղերով հանդես եկած գործիչներ առաջին պլանում. էդպիսի գործիչներ հիմա չկան, ո՞ւմ համար եք անում»:
Հիշեցնենք, որ այսօր՝ ապրիլի 20-ին, Ազգային ժողովում շարունակվում է քննարկվել Կառավարության 2021-2026թթ. ծրագրի 2022թ. կատարման ընթացքն ու արդյունքները:
Մանրամասները՝ տեսանյութում։
