05.11.2024 | 11:54
«Կոնյակ» բառից հրաժարվում ենք, նոր անունն է` «Armenian brandy»․ Գևորգ Պապոյան․ ՏԵՍԱՆՅՈՒԹ
Ուկրաինային ՆԱՏՕ-ի անդամակցելու հարցը քննարկվելու է Վիլնյուսի գագաթնաժողովում․Ստոլտենբերգ
Քաղաքականություն
20.04.2023 | 23:10
ՆԱՏՕ-ի գլխավոր քարտուղար Յենս Ստոլտենբերգը հայտնել է, որ Վիլնյուսում հուլիսին կայանալիք գագաթնաժողովում դաշինքի անդամ երկրները պատրաստվում են քննարկել Ուկրաինայի անդամակցության հարցը և դրա համար անվտանգության երաշխիքները։ Այս մասին նա հայտարարել է Կիևում նախագահ Վլադիմիր Զելենսկիի հետ մամուլի ասուլիսի ժամանակ, գրում է Европейская правда-ն։
«Նախագահ Զելենսկին բարձրացրել է անդամակցության և անվտանգության երաշխիքների հարցը։ Եվ դա լինելու է այդ հանդիպման օրակարգի կարևոր տարրը, և ՆԱՏՕ-ն պատրաստվում է դրան: Ուկրաինան ընտրում է իր ապագան եվրատլանտյան ընտանիքում: ՆԱՏՕ-ում Ուկրաինայի ապագան է և դաշինքի անդամները համաձայն են դրա հետ»,- ասել է ՆԱՏՕ-ի գլխավոր քարտուղարը։
Նա նշել է, որ ՆԱՏՕ-ի երկրները կենտրոնացած են Ուկրաինային աջակցություն ցուցաբերելու վրա, մասնավորապես, ռազմական առումով։ Այս հարցերը քննարկվելու են Ռամշտայնի ձևաչափով վաղվա հանդիպմանը և Վիլնյուսում ՆԱՏՕ-ի գագաթնաժողովում։
«Ուկրաինայի օրինական տեղը ՆԱՏՕ-ում է։ Ժամանակի ընթացքում մեր աջակցությունը կօգնի դա հնարավոր դարձնել»,-ասել էՍտոլտենբերգը։
Հավելենք, որ այսօր Ստոլտենբերգը չհայտարարված այցով ժամանել է Կիև։
Էմմա Չոբանյան
